QR Premer-Ministri Asqar Mamin qazaqstandyqtardy Qazaqstan Respýblikasynyń Tuńǵysh Prezidenti kúnimen quttyqtady, dep habarlaidy "Ult aqparat" primeminister.kz saityna silteme jasap.
«Táýelsizdiktiń 30 jylynda QR Tuńǵysh Prezidenti – Elbasy Nursultan Ábishuly Nazarbaevtyń bastamasymen áleýmettik-ekonomikalyq jáne qoǵamdyq-saiasi reformalardyń ýaqytyly ári tiimdi júzege asyrylýynyń arqasynda Qazaqstan óziniń damý jolynda eleýli serpilis jasady.
Búgingi tańda Qazaqstan – ekonomikasy qýatty, Konstitýtsiiasy ozyq, tiimdi bilik institýttary bar, memlekettik shekarasy tolyqtai halyqaralyq turǵyda resimdelgen ornyqty jáne progressivti memleket retinde qalyptasty dep nyq senimmen aitýǵa bolady», delingen quttyqtaýda.
Asqar Maminniń aitýynsha, aimaqtyń zamanaýi ekonomikalyq, áleýmettik jáne mádeni ortalyǵyna ainalǵan Nur-Sultan qalasy boi kóterdi.
«Elbasy ekonomikanyń odan ári turaqty ósýin qamtamasyz etýge jáne halyqtyń turmys sapasyn arttyrýǵa jol ashatyn Qazaqstan damýynyń jańa kezeńiniń irgetasyn qalap, strategiialyq baǵytyn aiqyndady.
Barlyq qazaqstandyqqa zor densaýlyq, tatýlyq pen amandyq tileimin!»,- dedi QR Premer-Ministri.
