Nur-Sultan qalasynda Qazaqstan hokkei federatsiiasynyń (QHF) XIV respýblikalyq konferentsiiasy ótti. Shara barysynda Asqar Mamin Qazaqstan hokkei federatsiiasynyń prezidenti bolyp qaita sailandy, dep habarlaidy QazAqparat federatsiia aqparatyna silteme jasap.
Konferentsiiaǵa Atqarý komitetiniń músheleri, óńirlik filialdardyń, hokkei klýbtarynyń jáne Balalar-jasóspirimder sport mektepteriniń basshylary qatysty.
Sharada QHF prezidentiniń 2016-2021 jyldar aralyǵyndaǵy jumysy týraly esebi, federatsiianyń jarǵysy men erejesi, shtattyq qurylymy qaraldy, basqarý jáne baqylaý organdarynyń sailaýy ótkizildi. Konferentsiia qatysýshylarynyń biraýyzdy sheshimimen Asqar Mamin Qazaqstan hokkei federatsiiasynyń prezidenti laýazymyna qaita sailandy.
A. Mamin óz sózinde qazirgi ýaqytta erler arasyndaǵy Qazaqstan komandasy álemdik reitingide 19-dan 13-orynǵa kóterilgenin atap ótti. Osy ýaqyt ishinde qazaqstandyq qurama komandalar 19 álem chempionatyna, Qysqy Aziia oiyndaryna, eki qysqy Dúniejúzilik Ýniversiadaǵa, olimpiada irikteý týrnirlerine qatysyp, 14 medal jiyntyǵyn jeńip aldy.
QHF prezidenti hokkei ligalarynyń, onyń ishinde jastar, áielder jáne áýesqoi ligalardyń joǵary damý qarqynyn, chempiondyq titýl men Qazaqstan Respýblikasynyń Kýbogy úshin básekelestiktiń artqanyn atap ótti.
Balalar men jasóspirimder hokkeiiniń damýyndaǵy oń dinamikanyń artyp kele jatqany baiqalady. Respýblikada 30 hokkei mektebi bar, olarda 269 jattyqtyrýshy jumys isteidi. Komandalar men oiyndardyń sany ulǵaiyp keledi. Ótken kezeńmen salystyrǵanda hokkeimen ainalysatyn balalar sany 32% – 7,3 myńnan astamǵa ósti.
Búginde QR-da 34 jabyq muz arenasy men modýlderi bar. Jaqyn arada Pavlodar qalasynda muz modýlin jáne Qostanai qalasynda muz arenasyn ashý josparda bar.
2022 jylǵy qańtarda hokkeishilerdi daiarlaityn «JAS NOMAD» respýblikalyq baǵdarlamasynyń birinshi blogyn jáne Salem Hokei jobasyn iske qosý josparlanǵan. Onyń maqsaty – balalardy sportqa tartý. Búginde sait, mobildik qosymsha ázirlendi, kiim-keshek pen qural-jabdyqtar satyp alyndy. Olar Demalys kúngi hokkei jobasyna qatysatyn hokkei mektepterine beriledi.
Aldaǵy kezeńde Federatsiia óńirlerde hokkeidi damytý, BJSM-nen bastap Jastar hokkeii men Kásibi hokkeige deiin hokkeishilerdi daiarlaýdyń tolyqqandy klýbtyq júiesin qurý, áielder hokkeiiniń geografiiasyn keńeitý, óńirlerde jańa hokkei mektepteriniń, Qyzylorda, Shymkent, Atyraý jáne Aqtaýda jastar hokkei klýbtarynyń, Oralda kásibi klýbtyń ashylýyna járdemdesý jónindegi jumysty kúsheitedi.
