نۇر-سۇلتان قالاسىندا قازاقستان حوككەي فەدەراتسيياسىنىڭ (قحف) XIV رەسپۋبليكالىق كونفەرەنتسيياسى ٶتتٸ. شارا بارىسىندا اسقار مامين قازاقستان حوككەي فەدەراتسيياسىنىڭ پرەزيدەنتٸ بولىپ قايتا سايلاندى, دەپ حابارلايدى قازاقپارات فەدەراتسييا اقپاراتىنا سٸلتەمە جاساپ.
كونفەرەنتسيياعا اتقارۋ كوميتەتٸنٸڭ مٷشەلەرٸ, ٶڭٸرلٸك فيليالداردىڭ, حوككەي كلۋبتارىنىڭ جەنە بالالار-جاسٶسپٸرٸمدەر سپورت مەكتەپتەرٸنٸڭ باسشىلارى قاتىستى.
شارادا قحف پرەزيدەنتٸنٸڭ 2016-2021 جىلدار ارالىعىنداعى جۇمىسى تۋرالى ەسەبٸ, فەدەراتسييانىڭ جارعىسى مەن ەرەجەسٸ, شتاتتىق قۇرىلىمى قارالدى, باسقارۋ جەنە باقىلاۋ ورگاندارىنىڭ سايلاۋى ٶتكٸزٸلدٸ. كونفەرەنتسييا قاتىسۋشىلارىنىڭ بٸراۋىزدى شەشٸمٸمەن اسقار مامين قازاقستان حوككەي فەدەراتسيياسىنىڭ پرەزيدەنتٸ لاۋازىمىنا قايتا سايلاندى.
ا. مامين ٶز سٶزٸندە قازٸرگٸ ۋاقىتتا ەرلەر اراسىنداعى قازاقستان كومانداسى ەلەمدٸك رەيتينگٸدە 19-دان 13-ورىنعا كٶتەرٸلگەنٸن اتاپ ٶتتٸ. وسى ۋاقىت ٸشٸندە قازاقستاندىق قۇراما كوماندالار 19 ەلەم چەمپيوناتىنا, قىسقى ازييا ويىندارىنا, ەكٸ قىسقى دٷنيەجٷزٸلٸك ۋنيۆەرسياداعا, وليمپيادا ٸرٸكتەۋ تۋرنيرلەرٸنە قاتىسىپ, 14 مەدال جيىنتىعىن جەڭٸپ الدى.
قحف پرەزيدەنتٸ حوككەي ليگالارىنىڭ, ونىڭ ٸشٸندە جاستار, ەيەلدەر جەنە ەۋەسقوي ليگالاردىڭ جوعارى دامۋ قارقىنىن, چەمپيوندىق تيتۋل مەن قازاقستان رەسپۋبليكاسىنىڭ كۋبوگى ٷشٸن بەسەكەلەستٸكتٸڭ ارتقانىن اتاپ ٶتتٸ.
بالالار مەن جاسٶسپٸرٸمدەر حوككەيٸنٸڭ دامۋىنداعى وڭ ديناميكانىڭ ارتىپ كەلە جاتقانى بايقالادى. رەسپۋبليكادا 30 حوككەي مەكتەبٸ بار, ولاردا 269 جاتتىقتىرۋشى جۇمىس ٸستەيدٸ. كوماندالار مەن ويىنداردىڭ سانى ۇلعايىپ كەلەدٸ. ٶتكەن كەزەڭمەن سالىستىرعاندا حوككەيمەن اينالىساتىن بالالار سانى 32% – 7,3 مىڭنان استامعا ٶستٸ.
بٷگٸندە قر-دا 34 جابىق مۇز ارەناسى مەن مودۋلدەرٸ بار. جاقىن ارادا پاۆلودار قالاسىندا مۇز مودۋلٸن جەنە قوستاناي قالاسىندا مۇز ارەناسىن اشۋ جوسپاردا بار.
2022 جىلعى قاڭتاردا حوككەيشٸلەردٸ دايارلايتىن «JAS NOMAD» رەسپۋبليكالىق باعدارلاماسىنىڭ بٸرٸنشٸ بلوگىن جەنە Salem Hokei جوباسىن ٸسكە قوسۋ جوسپارلانعان. ونىڭ ماقساتى – بالالاردى سپورتقا تارتۋ. بٷگٸندە سايت, موبيلدٸك قوسىمشا ەزٸرلەندٸ, كيٸم-كەشەك پەن قۇرال-جابدىقتار ساتىپ الىندى. ولار دەمالىس كٷنگٸ حوككەي جوباسىنا قاتىساتىن حوككەي مەكتەپتەرٸنە بەرٸلەدٸ.
الداعى كەزەڭدە فەدەراتسييا ٶڭٸرلەردە حوككەيدٸ دامىتۋ, بجسم-نەن باستاپ جاستار حوككەيٸ مەن كەسٸبي حوككەيگە دەيٸن حوككەيشٸلەردٸ دايارلاۋدىڭ تولىققاندى كلۋبتىق جٷيەسٸن قۇرۋ, ەيەلدەر حوككەيٸنٸڭ گەوگرافيياسىن كەڭەيتۋ, ٶڭٸرلەردە جاڭا حوككەي مەكتەپتەرٸنٸڭ, قىزىلوردا, شىمكەنت, اتىراۋ جەنە اقتاۋدا جاستار حوككەي كلۋبتارىنىڭ, ورالدا كەسٸبي كلۋبتىڭ اشىلۋىنا جەردەمدەسۋ جٶنٸندەگٸ جۇمىستى كٷشەيتەدٸ.
