QR Premer-Ministri Asqar Maminniń tóraǵalyǵymen ótken investitsiialyq shtab otyrysynda jańartylatyn energiia kózderi jáne densaýlyq saqtaý salalaryndaǵy investitsiialyq jobalardyń iske asyrylý barysy qaraldy.
Bul týraly Úkimettiń baspasóz qyzmeti habarlady.
Energetika ministri Maǵzum Myrzaǵaliev pen «Samuryq-Qazyna» UÁQ» AQ basqarma tóraǵasy Almasadam Sátqaliev QR jańartylatyn energetika salasyndaǵy investitsiialyq jobalardyń mártebesi týraly baiandady.
Máselen, 2014 jyldan bastap 780 mlrd teńge, onyń ishinde 150 mlrd teńge osy jyldyń 9 aiynda tartyldy. 1975 MVt kóleminde energiia generatsiiasynyń jiyntyq qýaty bar 126 JEK nysany paidalanýǵa berildi, 2 myńnan astam turaqty jumys orny quryldy. JEK-ten alynatyn elektr energiiasynyń 41%-y kún elektr stantsiialarynda, 35%-y jel elektr stantsiialarynda, 23,8%-y shaǵyn sý elektr stantsiialarynda óndiriledi.
2030 jylǵa qarai elektr energiiasyn generatsiialaý qurylymyndaǵy JEK úlesin qolda bar 3%-dan 15%-ǵa deiin arttyrý josparlanyp otyr. Bul kórsetkishke qol jetkizý úshin JEK-tiń 7 GVt jańa qýattaryn iske qosý qajet, bul salaǵa 3 trln teńge kóleminde investitsiia tartýǵa múmkindik beredi. Qazirgi tańda Qazaqstan Úkimeti «ADQ» arab kompaniiasymen jáne «Total Energies» frantsýz kompaniiasymen ýaǵdalastyqqa qol jetkizdi.
Iri aýqymdy jobalar aldaǵy 10 jylda 5 GVt jańa JEK qýatyn kezeń-kezeńimen engizýdi kózdeidi. Birlesken investitsiialyq jobalardy iske asyrý atmosferaǵa parniktik gazdar shyǵaryndylarynyń kólemin 8 mln tonnaǵa azaitýǵa, qosymsha 20 mlrd kVts jasyl energiia óndirýge jáne 3 myń jumys ornyn qurýǵa múmkindik beredi. Investorlar úshin qolaily jaǵdai týdyrý maqsatynda Qarjy-esep aiyrysý ortalyǵynyń bazasynda «Bir tereze» qaǵidatyn engizý, JEK paidalanatyn energiia óndirýshi uiym men tutynýshylar arasynda ekijaqty kelisimsharttar jasasý máselesin retteý, sondai-aq investorlardyń múddesin qorǵaý maqsatynda tórelik kelisimdi resimdeý rásimin ońailatý usynylady.
Densaýlyq saqtaý ministri Aleksei Tsoi densaýlyq saqtaý infraqurylymyn damytý boiynsha investitsiialyq jobalar týraly baiandady. Tórt jyl ishinde Qazaqstanda 20 kópsalaly aýrýhana men 2 ǵylymi-innovatsiialyq kópsalaly klinika salý josparlanǵan. Investor kompaniialardyń, óńirler ákimdikteriniń jáne ortalyq memlekettik organdardyń ókilderi Túrkistan, Petropavl, Nur-Sultan, Qostanai, Aqtaý, Aqtóbe, Atyraý, Qaraǵandy, Kókshetaý, Pavlodar, Taraz, Almaty jáne t. b. qalalarda gospitaldar salý jobalarynyń iske asyrylý barysy týraly baiandady.
Úkimet basshysy jańartylatyn energetika jáne densaýlyq saqtaý salasynda josparlanǵan jobalardy ýaqytyly jáne sapaly iske asyrýdy qamtamasyz etýdi tapsyrdy. Barlyq memlekettik organdarǵa, óńirlerdiń ákimdikterine jáne kvazimemlekettik sektor sýbektilerine ishki jáne syrtqy investitsiialardy tartý jumysyn júieli negizde jalǵastyrý týraly tapsyrma berildi.
