Búgin Bishkekte QR Úkimet basshysy Asqar Mamin Eýropalyq komissiianyń vitse-prezidenti Valdis Dombrovskispen kezdesti, dep habarlaidy QazAqparat.
Taratylǵan málimetke qaraǵanda, kezdesý barysynda Eýropalyq odaq pen Ortalyq Aziia arasyndaǵy ózara yntymaqtastyq máseleleri talqylandy.
Aita keteiik, búgin Qyrǵyzstan astanasynda «Eýropalyq Odaq – Ortalyq Aziia» halyqaralyq birinshi ekonomikalyq forýmy ótedi.
Onyń aiasynda plenarlyq otyrysqa Qazaqstan Premer-Ministri Asqar Mamin, Qyrǵyzstan Ministrler kabinetiniń tóraǵasy Aqylbek Japarov, Ózbekstan Premer-Ministri Abdýlla Aripov, sondai-aq Tájikstan men Túrikmenstanyń úkimet músheleri qatysady dep kútilýde.
Sonymen qatar forýmǵa EO-nyń Ortalyq Aziia boiynsha arnaýly ókili Teri Hakala, Eýropalyq komissiianyń vitse-prezidenti Valdis Dombrovskis te keledi. Atalǵan jiynǵa onlain-rejimde Eýropalyq Komissiianyń tóraǵasy Ýrsýla fon der Liaien qosylady dep josparlanyp otyr.
