QR Premer-Ministri Asqar Mamin Shanhai Yntymaqtastyq Uiymyna (ShYU) múshe memleketterdiń Úkimet basshylary keńesiniń (ÚBK) otyrysyna qatysý úshin Tashkent qalasyna jasaǵan sapary aiasynda Aýǵanstan Premer-Ministri Abdýlla Abdýllamen ekijaqty kezdesý ótkizdi, dep habarlaidy "Ult aqparat" Úkimet basshysynyń resmi saityna silteme jasap.
«Biz Aýǵanstanmen ózara tiimdi yntymaqtastyqty nyǵaitýǵa jáne arttyrýǵa erekshe kóńil bólemiz. Buǵan kóp jyldar boiy jalǵasyp kele jatqan ekijaqty saiasi dialogtyń joǵary deńgeii dálel bola alady», — dedi A. Mamin.
Kelissózder barysynda QR-nyń AIR-men saýda-ekonomikalyq jáne investitsiialyq yntymaqtastyǵy, qazaqstandyq biznestiń Aýǵanstannyń energetika, qurylys, aýyl sharýashylyǵy, taý-ken óndirisi jáne munai-gaz ónerkásibi, kólik salasyn damytýǵa qatysýy máseleleri qaraldy.
A. Abdýlla Qazaqstanǵa kórsetken gýmanitarlyq jáne basqa da kómekteri, onyń ishinde AIR damytý boiynsha Resmi kómek jelisi boiynsha jáne qazaqstandyq joǵary oqý oryndarynda, orta arnaiy jáne kásiptik oqytý mekemelerinde aýǵanstandyq mamandardy daiarlaýdaǵy kómegi úshin alǵysyn bildirdi.
Taraptar ekijaqty jáne óńirlik yntymaqtastyqtyń ózekti máseleleri boiynsha dialogty damytý týraly kelisimge keldi.
