QR Premer-Ministri Asqar Mamin Túrkistan oblysyna jumys sapary barysynda Arys qalasynyń zalal keltirilgen úilerin, áleýmettik nysandaryn, injenerlik jelilerin salý jáne jóndeý jumystarynyń barysyn tekserdi, sondai-aq qalany qalpyna keltirý jóninde keńes ótkizdi, "Ult aqparat" primeminister.kz saityna silteme jasap.
QR Úkimetiniń basshysy áskeri qalashyqtyń turǵyn aimaǵyn qarap, I. Jýrba atyndaǵy mektepti, qalalyq aýrýhanany, temir jol vokzalyn, turǵyn úilerdi qalpyna keltirý, ortalyq stadiondy rekonstrýktsiialaý jumystarynyń nátijelerimen tanysty.
QR Premer-Ministri keńes ótkizdi, onda QR Tuńǵysh Prezidenti – Elbasy N. Nazarbaevtyń jáne Memleket basshysy Q. Toqaevtyń Arys qalasyn qalpyna keltirý jónindegi tapsyrmalaryn oryndaý barysy qaralyp, qurylys-jóndeý jumystarynyń qorytyndysy shyǵaryldy.
Qysqa merzimde Arys qalasynda úlken aýqymdy jumys atqaryldy. Qalanyń 90%, sonyń ishinde, tirshilikti qamtamasyz etetin nysandar men infraqurylymdary qalpyna keltirildi. 6,5 myńnan astam turǵyn úi qalpyna keltirilip, 6,5 myń otbasy jóndelgen úilerine kirdi. Barlyq injenerlik infraqurylym tolyq jóndeýden ótkizildi. Kósheler aýqymdy túrde rekonstrýktsiialandy. 62 áleýmettik nysan, sonyń ishinde – aýrýhanalar, mektepter, balabaqshalar, sport obektileri 20 tamyzǵa deiin daiyn bolady.
QR qorǵanys ministri N. Ermekbaev, ishki ister ministri E. Turǵymbaev, densaýlyq saqtaý ministri E. Birtanov, bilim jáne ǵylym ministri A. Aimaǵambetov, indýstriia jáne infraqurylymdyq damý birinshi vitse-ministri Q. Óskenbaev, Túrkistan oblysynyń ákimi Ó. Shókeev, «Samuryq-Qazyna» jyljymaityn múlik qory» AQ basqarma tóraǵasy B. Sandyqbaev, «Atameken» UKP basqarma tóraǵasynyń orynbasary O. Ordabaev ózderi jetekshilik etetin baǵyttar boiynsha baiandama jasady.
Sonymen qatar, keńes barysynda óńirlerdiń, Nur-Sultan, Almaty jáne Shymkent qalalarynyń basshylary sóz sóiledi.
«QR Tuńǵysh Prezidenti – Elbasy N. Á. Nazarbaev jáne Memleket basshysy Q. K. Toqaevtyń tapsyrmasy boiynsha Arys qalasyn qalpyna keltirý maqsatynda elimizdiń barlyq óńirleri, ulttyq kompaniialary, iri biznes ókilderi belsendi túrde atsalysty», — dep A. Mamin, «bir ai ishinde aýqymdy jumystar atqarylǵanyn, qalany qalpyna keltirýge 10 myńnan astam qurylysshy qatysqanyn» aitty.
QR Úkimetiniń basshysy Arys qalasyn qalpyna keltirýge aralasqan, kómek qolyn sozǵan barlyq otandastarǵa, biznes, ákimdik ókilderine, qurylysshylarǵa alǵys bildirdi.
Keńesti qorytyndylai kele, QR Premer-Ministri jalpy qaladaǵy negizgi qurylys jumystary aiaqtalǵanyn atap ótip, tiisti ministrlikter men vedomstvolarǵa birqatar naqty tapsyrmalar berdi.
Qazirgi tańda zardap shekken 7516 bir qabatty jeke úilerdiń 6611-i nemese 90% jóndeýden ótkizildi. Qalǵan 905 bir qabatty jeke úilerdi jóndeý jumystaryn 10 tamyzǵa deiin aiaqtaý qajet. 67 kóp qabatty úilerdi qalpyna keltirý boiynsha jumystardy 20 tamyzǵa deiin aiaqtaý kerek. Barlyq 66 áleýmettik nysandy qalpyna keltirý jumystaryn 20 tamyzǵa deiin bitirý qajet. Osyǵan orai, Shtabtardyń jumysy 20 tamyzǵa deiin jalǵasady.
Óńirler bekitiligen sektorlaryndaǵy nysandardy qalpyna keltirý jumystaryn atalǵan merzim ishinde tolyǵymen aiaqtaýdy qamtamasyz etýi tiis.
Ásirese, Nur-Sultan qalasy jáne Almaty oblysy bekitilgen sektorlarynda jumys qarqynyn kúsheitip, qurylys barysyn qatań baqylaýǵa alýy qajet.
Túrkistan oblysynyń ákimi Eńbek jáne halyqty áleýmettik qorǵaý ministrligimen birlesip, Arys qalasynyń jáne qala mańyndaǵy eldi mekender turǵyndaryna bir rettik ótemaqy tóleý jumystaryn tolyǵymen aiaqtaýy tiis.
Indýstriia jáne infraqurylymdyq damý ministrligi «Atameken» Ulttyq kásipkerlik palatasymen birlesip, qalanyń barlyq kommertsiialyq nysandaryn qalpyna keltirý jumystaryn aiaqtaýy kerek.
Qorǵanys ministrligi bekitilgen Jol kartasy boiynsha qoimalardaǵy qarý-jaraqtardy shyǵarýdy júieli túrde qamtamasyz etip, Túrkistan oblysynyń ákimdigimen birlesip áskeri qalashyqtaǵy áskerge qatysy joq 58 otbasynyń máselesin pysyqtaýy tiis.
A. Mamin Arys qalasynyń turaqty tynys-tirshiligin qamtamasyz etý úshin barlyq kúsh-jigerdi jumyldyrýdyń qajettigin aityp, «Úkimet Elbasy men Memleket basshysynyń tapsyrmasy boiynsha Arys qalasynyń odan ári damý máselelerin baqylaýda ustaitynyn» atap ótti.
