Óńirlerdiń ákimdikteri avtonomdy jylý kózderiniń bárin otynnyń normativtik qorymen qamtamasyz etýi tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Jalpy óńirler ákimdikterimen turǵyn úi-kommýnaldyq sharýashylyq, bilim berý, áleýmettik sala obektileri men jylý-energiia kózderin jylytý maýsymyna daiyndaý boiynsha jumys júrgizildi. Óńirlerde jylytý maýsymy jospar boiynsha bastalady. Ákimdikter injenerlik jelilerde, bilim berý, densaýlyq saqtaý obektileri men úilerde josparlanǵan jóndeý jumystarynyń bárin belgilengen merzimde aiaqtasyn. Energiia óndiretin jáne energiia beretin uiymdarmen birge asa qysqa merzimde jylytý maýsymyn ótkizýge ázirlik pasporttaryn alýdy qamtamasyz etsin. Óńirlerdiń ákimdikteri avtonomdy jylý kózderiniń bárin otynnyń normativtik qorymen qamtamasyz etsin», - dedi Asqar Mamin.
Úkimet basshysy kómir tapshylyǵyna jol bermeý úshin óńirlerde kómir jetkizýshilermen belsendi ózara is-qimyl jasaýdy jáne kommýnaldyq-turmystyq qajettilik úshin ári turǵynǵa otyn jetkizýdi udaiy monitoringileýdi tapsyrdy.
«Óńirlerde kásiporyndardyń jetkizilgen gaz ben kómir úshin jáne de tutynýshylardyń kommýnaldyq qyzmetter úshin debitorlyq bereshegin jabý jumysyn kúsheitý kerek. Bul másele Úkimettiń udaiy baqylaýynda bolady», - dedi Premer-Ministr.
