Oblystardyń ákimderi 2021 jyly 200 mekteptiń ýaqtyly paidalanýǵa berilýin qamtamasyz etýi tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Oblystardyń ákimderi 2021 jyly 200 mekteptiń ýaqtyly paidalanýǵa berilýin qamtamasyz etsin. Ol úshin investorlardy belsendi tartý kerek, óńirlerde jaqsy mysaldary bar. Mysaly, Nur-Sultanda 6 mektepti birden salý úshin iri investor tartyldy. Óńirler ákimderi qalalyq jáne aýyldyq mektepterde oqytý jaǵdailarynyń bir deńgeide bolýyn jáne aýyldyq jerlerde joǵary bilikti muǵalimderdi ustap qalý boiynsha naqty sharalar qabyldaýy kerek», - dedi Úkimet basshysy.
Osy oraida Asqar Mamin Bilim jáne ǵylym ministrligi men oblystardyń ákimderine 25 naýryzǵa deiin 5 myń aýyldyq mektepti jańartý jónindegi jol kartasyn engizýdi tapsyrdy.
«Onda aýyldyq mektepti oqý jáne tiisti tehnikalyq quraldarymen qamtamasyz etý, jóndeý, qaýipsiz orta, mektep jihazdaryn jańartý, kitaphanalar men mektep ashanalaryn jańartý boiynsha naqty indikatorlardy belgileý qajet», - dedi Premer-Ministr.
