وبلىستاردىڭ ەكٸمدەرٸ 2021 جىلى 200 مەكتەپتٸڭ ۋاقتىلى پايدالانۋعا بەرٸلۋٸن قامتاماسىز ەتۋٸ تيٸس. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«وبلىستاردىڭ ەكٸمدەرٸ 2021 جىلى 200 مەكتەپتٸڭ ۋاقتىلى پايدالانۋعا بەرٸلۋٸن قامتاماسىز ەتسٸن. ول ٷشٸن ينۆەستورلاردى بەلسەندٸ تارتۋ كەرەك, ٶڭٸرلەردە جاقسى مىسالدارى بار. مىسالى, نۇر-سۇلتاندا 6 مەكتەپتٸ بٸردەن سالۋ ٷشٸن ٸرٸ ينۆەستور تارتىلدى. ٶڭٸرلەر ەكٸمدەرٸ قالالىق جەنە اۋىلدىق مەكتەپتەردە وقىتۋ جاعدايلارىنىڭ بٸر دەڭگەيدە بولۋىن جەنە اۋىلدىق جەرلەردە جوعارى بٸلٸكتٸ مۇعالٸمدەردٸ ۇستاپ قالۋ بويىنشا ناقتى شارالار قابىلداۋى كەرەك», - دەدٸ ٷكٸمەت باسشىسى.
وسى ورايدا اسقار مامين بٸلٸم جەنە عىلىم مينيسترلٸگٸ مەن وبلىستاردىڭ ەكٸمدەرٸنە 25 ناۋرىزعا دەيٸن 5 مىڭ اۋىلدىق مەكتەپتٸ جاڭارتۋ جٶنٸندەگٸ جول كارتاسىن ەنگٸزۋدٸ تاپسىردى.
«وندا اۋىلدىق مەكتەپتٸ وقۋ جەنە تيٸستٸ تەحنيكالىق قۇرالدارىمەن قامتاماسىز ەتۋ, جٶندەۋ, قاۋٸپسٸز ورتا, مەكتەپ جيھازدارىن جاڭارتۋ, كٸتاپحانالار مەن مەكتەپ اسحانالارىن جاڭارتۋ بويىنشا ناقتى ينديكاتورلاردى بەلگٸلەۋ قاجەت», - دەدٸ پرەمەر-مينيستر.
