2025 jylǵa qarai memlekettik bilim granttarynyń sany 50 paiyzǵa artady. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Joǵary bilim qoljetimdi bolý úshin 2025 jylǵa qarai granttar sany 50 paiyzǵa artady. Jyl saiyn jas ǵalymdarǵa 1 000 grant bólinip, 500 qazaqstandyq ǵalym álemge tanymal ǵylymi ortalyqtarda taǵylymdamadan óte alady. Memleket basshysynyń tapsyrmasy boiynsha osy jylǵy sáýirde Úzdiksiz bilim berý tujyrymdamasy qabyldanady», - dedi Asqar Mamin.
Úkimet basshysy Bilim jáne ǵylym ministrligi Bilim berý salasyndaǵy ulttyq jobalardy ázirleý kezinde Elbasynyń, Memleket basshysynyń, Nur Otan partiiasynyń barlyq tapsyrmalarynyń iske asyrylýyn qamtamasyz etýi qajettigin basa aitty.
«Qoiylǵan maqsattarǵa qol jetkizý úshin kúndelikti aýqymdy jumys isteý kerek. Ákimderdiń jeke jaýapty ekenin nazarda ustańyzdar, sebebi Nur Otan partiiasy baǵdarlamasynyń ýaqtyly oryndalýy óńirlerdegi jumystyń sapaly atqarylýyna bailanysty», - dedi Premer-Ministr.
