Asqar Beisenbaev Qazaqstan Respýblikasynyń Belarýs Respýblikasyndaǵy Tótenshe jáne Ókiletti Elshisi, TMD Jarǵylyq organdarynyń janyndaǵy Turaqty Ókil qyzmetin qosa atqarýshy bolyp taǵaiyndaldy, dep habarlaidy "Ult aqparat" Aqordaǵa silteme jasap.
Memleket basshysynyń Jarlyǵymen Asqar Asanuly Beisenbaev Qazaqstan Respýblikasynyń Belarýs Respýblikasyndaǵy Tótenshe jáne Ókiletti Elshisi, TMD Jarǵylyq organdarynyń janyndaǵy Turaqty Ókil qyzmetin qosa atqarýshy bolyp taǵaiyndaldy.
Asqar Asanuly Beisenbaev 1961 jyly Ońtústik Qazaqstan oblysy Túlkibas aýdanynda týǵan.
Jambyl jeńil jáne tamaq ónerkásibi tehnologiialyq institýtyn (M.H.Dýlati atyndaǵy Taraz memlekettik ýniversiteti Tehnologiialar jáne aqparattyq júieler institýty), Resei-Qazaqstan Qazirgi zamanǵy Gýmanitarlyq ýniversitetin bitirgen.
1983-1988 jyldary - Túlkibas konservi zaýytynyń aýysym injener-tehnology, «Lenin joly» keńsharynyń konservi tsehynyń bas tehnology, bastyǵy, LKJO Sairam aýdandyq komsomol komitetiniń ekinshi hatshysy.
1988-1994 jyldary - Túlkibas konservi zaýytynyń bas injeneri, direktory, Túlkibas nantaǵamdary kombinatynyń direktory.
1994-1998 jyldary - prezident AO «Kókterek» aktsionerlik qoǵamynyń prezidenti.
1998-2001 jyldary - Ońtústik Qazaqstan oblysy Túlkibas aýdanynyń ákimi qyzmetterin atqarǵan.
2001-2004 jyldary - Qazaqstan Respýblikasy Parlamenti Májilisiniń ekinshi shaqyrylymynyń depýtaty.
2004-2007 jyldary - Qazaqstan Respýblikasy Parlamenti Májilisiniń úshinshi shaqyrylymynyń depýtaty - Agrarlyq máseleler komitetiniń múshesi, Qazaqstan Respýblikasy Parlamenti janyndaǵy «Otbasy» depýtattyq tobynyń múshesi, Qazaqstan Respýblikasy Parlamenti janyndaǵy «Aýyl» depýtattyq tobynyń múshesi.
2007-2008 jyldary - Qazaqstan Respýblikasy Parlamenti Májilisiniń tórtinshi shaqyrylymynyń depýtaty - Agrarlyq máseleler komitetiniń múshesi bolǵan.
2013 jyldan senator. 2013-2016 jyldary - Qazaqstan Respýblikasy Parlamenti Senaty tóraǵasynyń orynbasary boldy.
Osy taǵaiyndaýǵa deiin Qazaqstan Respýblikasy Parlamenti Senatynyń depýtaty, ekonomikalyq saiasat, innovatsiialyq damý jáne kásipkerlik komitetiniń tóraǵasy boldy.
«Qurmet» ordenimen jáne medaldarmen marapattalǵan.
