Elimizde pandemiia jáne karantin jaǵdaiynda biznestiń damýynda Ashyq júiesiniń róli zor. Bul pikirdi «Atameken» ulttyq kásipkerler palatasynyń basqarma tóraǵasy Abylai Myrzahmetov aitty, dep habarlaidy QazAqparat.
«Ótken jyldyń aýyr bolǵany aitpai-aq túsinikti. Ásirese, biznes ókilderi úshin qiyn boldy. Pandemiia milliondaǵan kásipkerdiń isine keri áserin tigizip, shamamen 80 paiyz sýbektini qamtydy. Shamamen 500 myńnan astam qyzmet kórsetý kásiporny zardap shekti. Rasynda da biz ne isteý keregin bilmedik. Árine, ótken jyl biz úshin sabaq boldy, iaǵni biz pandemiia jaǵdaiynda tirshilik etýdi úirendik», - dedi Abylai Myrzahmetov Baigenews.kz aqparat agenttigi «20:21» jobasynyń tikelei efirinde.
Onyń aitýynsha, el ekonomikasynyń 10 aidaǵy damýyna qorytyndy jasaldy. Jáne ishki ónim kólemi 3,6 paiyzdy qurady.
«Atameken» UKP basshysynyń málimetinshe, biyl sáýir aiynan bastap iske qosylǵan Ashyq júiesi - el biligi, qoǵam jáne biznes ókilderi arasyndaǵy teńgerimdi saqtap otyrǵan basty qural.
