Maýsym aiynyń sońyna deiin «Ashyq» jobasy áýejailarda, temirjol vokzaldarynda engiziledi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Búginde «Ashyq» júiesimen qyzmettiń barlyq salasyndaǵy 10 myńnan astam nysan qamtylǵan. 2 mln 100 myń qoldanýshy tirkelgen. Vaktsinatsiia pasportyn «Ashyq» qosymshasymen yqpaldastyrý júrgizilip jatyr. Maýsym aiynyń sońyna deiin «Ashyq» jobasyn áýejailarda, temir jol vokzaldarda engizý josparlanyp otyr. Osy rette aita keterligi, «Ashyq» jobasy engizilgen sátten beri PTR testileýdiń oń nátiesimen 4 401 adam jáne bailanysta bolǵan 3 981 tulǵa anyqtaldy», - dedi ministr.
Onyń atap ótýinshe, ókinishke orai keibir azamattar aýrý ekenin jáne virýsty juqtyryp alǵanyn bile tura úide oqshaýlaný rejimin saqtamaidy. Adamdar kóp baratyn nysandarǵa baryp, eldiń ishinde júrip-turýǵa umtylady. Sol arqyly tóńiregindegi adamdarǵa qaýip tóndiredi.
«Osyǵan orai ministrlik ereje bekitip, ol kúshine endi. Oǵan sáikes, karantin rejimin buzýshylar aiyppul túrindegi ákimshilik jaýapkershilikke tartylady. Onyń kólemi 87 myń teńdegen asyp jyǵylady», - Aleksei Tsoi.
