Almatyda Ashyq jobasyna 2 332 nysan qatysýda. Bul týraly Óńirlik kommýnikatsiialar qyzmetinde ótken brifingide Almaty qalasy ulttyq kásipkerler palatasy direktorynyń quqyqtyq máseleler jónindegi orynbasary Saltanat Lesbaeva aitty, dep habarlaidy QazAqparat.
Spikerdiń aitýynsha, Qazaqstan aýmaǵynda 10 932 biznes sýbektisi Ashyq jobasyna tirkeldi. Sondai-aq 524 kásipker ótinim bergen. Qosymshany 4 mln qazaqstandyq belsendi qoldanady. Onyń basym bóligi – Almaty turǵyndary. Sarapshylar kúnine shamamen 200 myń skanerleýdi esepteidi.
«Búginde joba Qazaqstan boiynsha «qyzyl» mártebesi bar 5 088 jáne «sary» mártebesi bar 4 998 kelýshini anyqtady. Bul 3 maýsymdaǵy nátijelermen salystyrǵanda 3 107 kelýshige kóp. Joba óz tiimdiligin kórsetti. Ásirese áýejaidaǵy jumys ónimdi», – dedi Saltanat Lesbaeva.
