Ashyq qosymshasyndaǵy aqaýdyń sebebin túsindirgen QR Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov qazaqstandyqtarǵa ýaqytsha Aitu júiesin qoldana turýdy usyndy, dep habarlaidy "Ult aqparat".
«Qazir tehnikalyq aqaýlarǵa bailanysty Ashyq qosymshasynda mártebeni shyǵarý múmkindigi bolmai tur. Biz jóndeý jumystaryn júrgizip jatyrmyz. Ýaqytsha qolaisyzdyqtar úshin keshirim suraimyn», - dep jazdy ol Facebook-tegi paraqshasynda.
Ministrlik ókili Ashyq-taǵy tehnikalyq aqaýlar joiylǵansha basqa qosymshany qoldanýdy usyndy.
«Birneshe apta buryn BTS kompaniiasy Ashyq qosymshasyn Aitu-men integratsiialaýdy usynǵan bolatyn. Biz kelistik, sebebi mýltiplatformalyq qaǵidany ustanamyz, mysaly memlekettik qyzmetterdi bank qosymshalaryna shyǵaryp edik qoi, sol siiaqty.
Nege Aitu? Birinshiden, BTS - memleketpen jumys istegen kompaniia. Iaǵni olar derekterdiń qaýipsizdigin qamtamasyz etý boiynsha jaýapkershilik týraly memorandýmǵa qol qoiǵan. Ekinshiden, Aitu da Ashyq siiaqty jai ǵana qural, onda PTR respýblikalyq bazasyndaǵy málimetter saqtalmaidy, tek qana qajetti aqparatty bir rettik kórsetilim úshin «tartady», - dep jazdy vitse-ministr.
Onyń aitýynsha, Ashyq qosymshasy qazir Aitu platformasynda pilottyq tártipte jumys isteýde. Keiin resmi túrde integratsiialaý uiymdastyrylmaq.
«Aitu-daǵy Ashyq-ty qalai qoldaný kerek? https://i2.app.link/OrbgU0JOdgb siltemesi arqyly ótip, Aitu qosymshasyn júktep, «Qosymshalar» bóliminde «Ashyq» engizip, ornatasyzdar. Aita ketý kerek, jýyrda Ashyq fýnktsionaly úshinshi qosymshada da paida bolady. Biz mýltiplatformalyq qaǵidany ustanamyz», - dedi Áset Turysov.
Aita keteiik, karantindik shekteý sharalaryna qaramastan, Ashyq jobasyna qosylǵan kásipkerlik nysandarǵa jumysyn qaita bastaýǵa ruqsat etilgen bolatyn. Azamattar uialy telefondaryna mobildik qosymshany júktep, ǵimaratqa kireberistegi QR kodty skanerleý arqyly koronavirýsqa qatysty óz mártebesin kórsetýi tiis. Mártebesi «kók» jáne «jasyl» tústi azamattarǵa ǵana nysandarǵa kirýge ruqsat.
Apta basyndaǵy Úkimet otyrysynda Densaýlyq saqtaý ministri Aleksei Tsoi Ashyq júiesiniń kómegimen «qyzyl» jáne «sary» mártebemen 3 256 adam anyqtalǵanyn aitqan bolatyn.
Koronavrýsqa qarsy aktsina alǵandar Ashyq júiesinde jasyl túste bolady.
Sondai-aq, «Ashyq» qosymshasyndaǵy statýsty úiden shyqpai-aq tekserýge múmkindik jasalǵan edi.
