Ashyq jobasymen elimizdi minýt saiyn myńdaǵan adamnyń mártebesi tekseriledi. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Ashyq jobasy tiimdi. Ol 9 myńnan astam biznes sýbektisine pandemiia kezinde jumys isteýge múmkindik berip otyr. 4 millionnan astam paidalanýshy tirkelgen. Elimizde árbir minýt saiyn myńdaǵan adamnyń mártebesi tekseriledi. Degenmen, joba keibir azamattar ózderiniń mártebesin bile tura sanitarlyq talaptardy buzýyn jalǵastyryp otyrǵanyn kórsetti», - dedi Úkimet basshysynyń orynbasary Ortalyq kommýnikatsiialar qyzmetindegi brifingide.
Eral Toǵjanovtyń aitýynsha, 2021 jyldyń sáýir aiynan beri Ashyq jobasynyń kómegimen karantin rejimin buzǵan 9,6 myńnan astam adam anyqtalyp otyr.
«Olardyń jartysy PTR testiń oń nátijesi bar adamdar», - dedi Premer-Ministrdiń orynbasary.
