Elordada kesheden beri «Ashyq» mobildi qosymshasyna tirkelgen elordanyń kásipkerlik sýbektileri jumysyn bastaǵan bolatyn. Osyǵan orai búgin Nur-Sultan qalasy «Atameken» kásipkerler palatasy direktorynyń orynbasary Qýanyshbek Muqash bastaǵan top atalǵan nysandardyń jumys barysyn tekserip shyqty, dep habarlaidy QazAqparat.
«Ashyq» júiesi – bul biznes úshin klientteriniń qaýipsizdigin saqtaý barysyndaǵy qosymsha is-sharalardy qamtamasyz etedi. Árbir kásipkerlik sýbektisi kelýshilerdi dene qyzýyn ólsheý arqyly kirgizetindigine túsinistik tanytýymyz qajet. Dene qyzýyn ólshem mindetti sanalady. Adamda virýstyń simptomdary bolsa, onda ony ishke kirgizbeidi. Qazirgi ýaqytta elordada fitnes klýbtar, spa-ortalyqtary, monshalar, internet klýbtary, boýlingter atalǵan júiege qosylǵan», - dedi Qýanyshbek Muqash.
«Ashyq» júiesine qosylǵan kásipkerlik nysandardyń biri - «Dýman» qonaqúiindegi boýling ortalyǵy. Ortalyqta dúisenbi, seisenbi kúni sanitarlyq jumystar júrgiziledi. Al qalǵan kúnderi aldaǵy ýaqytta saǵat 15-00-den túngi 00-00-ge deiin kelýshilerge qyzmet kórsetpek.
«Elimizde qatań karantindik shekteýler engizilgen 2020 jyldyń 16 naýryzynan beri jumys istegen joqpyz. Osy ýaqytta qansha shyǵyn shekkenimizdi aita almaimyn, óitkeni ol jeke málimet sanalady. Al «Ashyq» mobildi qosymshasy jumys isteýimizge múmkindik berip otyr. Adamdar sporttyń bul túrin saǵynyp ta qaldy. Sebebi boýling eń aldymen kóńil kóterý túri emes sport sanalady. Kesheden beri QR-kod alyp jumys istei bastadyq. Kelýshiler boldy, 30 adamǵa qyzmet kórsettik. Bárinde de kók mártebe boldy. Qyzyl jáne sary mártebe bolǵan joq. Arnaýly oqýdan óttik. Onyń barysynda qyzyl mártebesi bar adamdardy mekemege jibermeý kerektigin, mindetti túrde sanitarlyq-epidemiologiialyq qyzmetke habarlaý qajettigin túsindik. Qyzmetterge qaýipsiz qyzmet kórsetý úshin jumystar júrgiziledi. Ár oiynnan keiin boýling sharlaryn arnaýly suiyqtyqtarmen tazalap otyramyz», - dedi «Dýman» qonaq úiindegi boýling ortalyǵynyń Meiirjan Janǵojin.
Aita keteiik, kelýshiler nysanǵa kirgen kezde QR-kodty skanerleidi. Sol kezde kelýshiniń mobildi qosymshasynda indikator kórinedi. Qyzyl tús - kelýshiniń naýqas ekenin, sary tús - bailanysta bolǵanyn, al jasyl tús – PTR test tapsyryp, virýsqa anyqtalmaǵandyǵyn bildiredi. Kók tús PTR zertteýden ótpegenin kórsetedi.
