ەلوردادا كەشەدەن بەرٸ «Ashyq» موبيلدٸ قوسىمشاسىنا تٸركەلگەن ەلوردانىڭ كەسٸپكەرلٸك سۋبەكتٸلەرٸ جۇمىسىن باستاعان بولاتىن. وسىعان وراي بٷگٸن نۇر-سۇلتان قالاسى «اتامەكەن» كەسٸپكەرلەر پالاتاسى ديرەكتورىنىڭ ورىنباسارى قۋانىشبەك مۇقاش باستاعان توپ اتالعان نىسانداردىڭ جۇمىس بارىسىن تەكسەرٸپ شىقتى, دەپ حابارلايدى قازاقپارات.
«Ashyq» جٷيەسٸ – بۇل بيزنەس ٷشٸن كليەنتتەرٸنٸڭ قاۋٸپسٸزدٸگٸن ساقتاۋ بارىسىنداعى قوسىمشا ٸس-شارالاردى قامتاماسىز ەتەدٸ. ەربٸر كەسٸپكەرلٸك سۋبەكتٸسٸ كەلۋشٸلەردٸ دەنە قىزۋىن ٶلشەۋ ارقىلى كٸرگٸزەتٸندٸگٸنە تٷسٸنٸستٸك تانىتۋىمىز قاجەت. دەنە قىزۋىن ٶلشەم مٸندەتتٸ سانالادى. ادامدا ۆيرۋستىڭ سيمپتومدارى بولسا, وندا ونى ٸشكە كٸرگٸزبەيدٸ. قازٸرگٸ ۋاقىتتا ەلوردادا فيتنەس كلۋبتار, سپا-ورتالىقتارى, مونشالار, ينتەرنەت كلۋبتارى, بوۋلينگتەر اتالعان جٷيەگە قوسىلعان», - دەدٸ قۋانىشبەك مۇقاش.
«Ashyq» جٷيەسٸنە قوسىلعان كەسٸپكەرلٸك نىسانداردىڭ بٸرٸ - «دۋمان» قوناقٷيٸندەگٸ بوۋلينگ ورتالىعى. ورتالىقتا دٷيسەنبٸ, سەيسەنبٸ كٷنٸ سانيتارلىق جۇمىستار جٷرگٸزٸلەدٸ. ال قالعان كٷندەرٸ الداعى ۋاقىتتا ساعات 15-00-دەن تٷنگٸ 00-00-گە دەيٸن كەلۋشٸلەرگە قىزمەت كٶرسەتپەك.
«ەلٸمٸزدە قاتاڭ كارانتيندٸك شەكتەۋلەر ەنگٸزٸلگەن 2020 جىلدىڭ 16 ناۋرىزىنان بەرٸ جۇمىس ٸستەگەن جوقپىز. وسى ۋاقىتتا قانشا شىعىن شەككەنٸمٸزدٸ ايتا المايمىن, ٶيتكەنٸ ول جەكە مەلٸمەت سانالادى. ال «Ashyq» موبيلدٸ قوسىمشاسى جۇمىس ٸستەۋٸمٸزگە مٷمكٸندٸك بەرٸپ وتىر. ادامدار سپورتتىڭ بۇل تٷرٸن ساعىنىپ تا قالدى. سەبەبٸ بوۋلينگ ەڭ الدىمەن كٶڭٸل كٶتەرۋ تٷرٸ ەمەس سپورت سانالادى. كەشەدەن بەرٸ QR-كود الىپ جۇمىس ٸستەي باستادىق. كەلۋشٸلەر بولدى, 30 ادامعا قىزمەت كٶرسەتتٸك. بەرٸندە دە كٶك مەرتەبە بولدى. قىزىل جەنە سارى مەرتەبە بولعان جوق. ارناۋلى وقۋدان ٶتتٸك. ونىڭ بارىسىندا قىزىل مەرتەبەسٸ بار ادامداردى مەكەمەگە جٸبەرمەۋ كەرەكتٸگٸن, مٸندەتتٸ تٷردە سانيتارلىق-ەپيدەميولوگييالىق قىزمەتكە حابارلاۋ قاجەتتٸگٸن تٷسٸندٸك. قىزمەتتەرگە قاۋٸپسٸز قىزمەت كٶرسەتۋ ٷشٸن جۇمىستار جٷرگٸزٸلەدٸ. ەر ويىننان كەيٸن بوۋلينگ شارلارىن ارناۋلى سۇيىقتىقتارمەن تازالاپ وتىرامىز», - دەدٸ «دۋمان» قوناق ٷيٸندەگٸ بوۋلينگ ورتالىعىنىڭ مەيٸرجان جانعوجين.
ايتا كەتەيٸك, كەلۋشٸلەر نىسانعا كٸرگەن كەزدە QR-كودتى سكانەرلەيدٸ. سول كەزدە كەلۋشٸنٸڭ موبيلدٸ قوسىمشاسىندا ينديكاتور كٶرٸنەدٸ. قىزىل تٷس - كەلۋشٸنٸڭ ناۋقاس ەكەنٸن, سارى تٷس - بايلانىستا بولعانىن, ال جاسىل تٷس – پتر تەست تاپسىرىپ, ۆيرۋسقا انىقتالماعاندىعىن بٸلدٸرەدٸ. كٶك تٷس پتر زەرتتەۋدەن ٶتپەگەنٸن كٶرسەتەدٸ.
