KVI boiynsha óz statýsyńyzdy «Ashyq» qosymshasyn júktep, úiden shyqpai-aq bilýge bolady, dep habarlaidy "Ult aqparat" elorda ákimdiginiń resmi saityna silteme jasap.
Aldymen «Ashyq» qosymshasyn uialy telefonǵa nemese planshetke júktep alýyńyz kerek. Ary qarai tekserý úshin internetke kire alatyn taǵy bir qurylǵy qajet bolady. Ol qurylǵy arqyly ashyq.kz saityna kirip, QR kodyn smartfonyńyzdaǵy Ashyq qosymshasy arqyly skanerleý qajet. Osydan keiin baryp tekserýshiniń statýsy kórsetiledi.
Mundai servis «Ashyq» jobasyna qatysatyn nysandarǵa barý úshin qajet. Statýs aqparattyq júielermen salystyrý negizinde PTR-zertteýlerdiń biryńǵai integratsiialyq portaly jáne QR DSM COVID-19 baqylaý ortalyǵy arqyly beriledi.
«Ashyq» jobasy boiynsha jumys bastalǵannan beri Nur-Cultan qalasyndaǵy 618 kásipkerlik nysan tirkelgen. Búgingi kúni elorda boiynsha «Ashyq» jobasyna qatysatyn kásipkerlik nysandarynda úi karantinin buzǵan 1954 kelýshi anyqtaldy (juqtyrǵandar, «qyzyl» statýsy bar – 875 kelýshi, jaqyn bailanysta bolǵandar, «sary» mártebesi bar – 1079 kelýshi). Oqshaýlaý rejimin buzǵan kelýshilerge úi karantinin saqtaý jóninde túsindirý jumystary júrgiziledi.
«Ashyq» jobasyn engizý koronavirýstyq infektsiianyń taralýyn azaitýǵa múmkindik beredi, sondai-aq shekteý is-sharalaryn engizý kezeńinde kásipkerlik nysandaryna qoldaý kórsetedi.
