«Ashyq júrek» jobasy aiasynda liga.org.kz degen jańa platforma ashylady. Bul týraly Ortalyq kommýnikatsiialar qyzmetinde ótken onlain-brifingte aityldy, dep habarlaidy QazAqparat.
«Men volonter emespin, biraq aýladaǵy jastarǵa fýtboldan jattyqtyrýshy bola alam» degen siiaqty usynysy, bastamasy bar adamdar úshin elimizdiń 17 aimaǵyna 300 myń teńgeden 56 grant bólingen. Al «Men volontermin, volonterlik uiymnyń múshesimin jáne osy salada ǵana jumys isteimin» degen qatysýshylarǵa 42 grant bólingen. «Ashyq júrek» jobasy boiynsha liga.org.kz degen jańa platforma ashylady. Ol jerde men aityp ótken granttar boiynsha ótinish qaldyrýǵa bolady. Men jastardy osy jobaǵa qatysýǵa shaqyramyn», - deidi Qazaqstan volonterler ligasy úilestirý keńesiniń múshesi Áziz Kajdenbek.
Ol Qazaqstan volonterleri ligasy 2013 jyly ashylǵan kezde 5 adam ǵana múshe bolǵanyn aitty.
«Biz kúnderdiń bir kúni respýblikalyq deńgeidegi uiym bolamyz dep oilaǵan joqpyz. Bastapqyda liganyń 5 múshesi bolsa, qazirgi ýaqytta qatarymyz 7 myńnan asyp ketti. Osy jyldyń sońyna deiin bizdiń uiymnyń quramyndaǵy volonterler sany 20 myńnan asady dep josparlap otyrmyz», - deidi Aziz Kajdenbek.
