Aýyl sharýashylyǵy ministrligi aýyl sharýashylyǵy maqsatyndaǵy paidalanylmai jatqan jerlerdi qaitaryp alý merzimderin qysqartýdy josparlap otyr, dep habarlaidy QazAqparat.
«Paidalanylmai jatqan jerler tek sot arqyly alynady. Al buǵan 2-3 jyl ýaqyt ketedi. Sondyqtan, eger jerler paidalanylmasa, onda jalǵa alý kelisimshartyn birjaqty rette buzý týraly usynystar engizilýde. Ekinshiden, jer paidalanýshylardyń kóbi bizdiń qyzmetkerlerimizden qashady, tekserý júrgizý qajettigi týraly habarlamalardy alǵysy kelmeidi. Sondyqtan qazir biz munyń bárin avtomattandyrýdy josparlap otyrmyz. Iaǵni, azamattarǵa SMS habarlamalar keletin bolady. Men bul aýyl sharýashylyǵy taýarlaryn óndirýshiler úshin de, bizdiń qyzmetkerlerimiz úshin de yńǵaily dep oilaimyn», - dedi Saparhan Omarov Úkimettiń baspasóz ortalyǵynda.
Ministrdiń aitýynsha, paidalanylmai jatqan jerlerdi qaitaryp alý boiynsha Jol kartasynyń jobasy memlekettik organdardyń talqylaýynda jatyr.
«Biyl 10 qazannan bastap Parlament Senaty «QR keibir zańnamalyq aktilerine AÓK retteý máseleleri boiynsha ózgerister men tolyqtyrýlar engizý týraly» zań jobasyn ekinshi oqylymynda maquldap, qol qoiýǵa jiberdi. Bul zań jobasy úsh jylǵa jýyq ýaqyt boiy qaraldy, onda Qazaqstan Respýblikasynyń 13 kodeksi men 29-zańyna 800-den asa túzetýler engizý qarastyrylady. Osy zań aiasynda aýyl sharýashylyǵyndaǵy saqtandyrý júiesiniń tásilderi ózgertiledi: mindetti saqtandyrýdan erikti saqtandyrýǵa kóshý júzege asyrylady. Sondai-aq saqtandyrý tólemderin sýbsidiialaýdan saqtandyrý syiaqylaryn sýbsidiialaýǵa kóshý qolǵa alynady», - dedi ol.
Saparhan Omarov sonymen qatar ákimdikter men kedendik organdardan baqylaý-qadaǵalaý fýnktsiialary Aýyl sharýalyshyǵy ministrligine qaitarylatynyn atap ótti. Budan bólek, kásipkerler innovatsiia tartý úshin ǵylymi zertteýlerdi qarjylandyrý boiynsha biznes shyǵyndarynyń bir bóligin sýbsidiialaý qarastyrylady.
Eske sala ketsek, búgingi Úkimettiń baspasóz ortalyǵyndaǵy brifingte Saparhan Omarov aýyl sharýashylyǵy maqsatyndaǵy paidalanylmai jatqan jerdi qaitaryp alý boiynsha Jol kartasy ázirlengenin habarlaǵan bolatyn.
