QR AShM Veterinarlyq baqylaý jáne qadaǵalaý komiteti tóraǵasynyń mindetin atqarýshy Tursyn Qabdoldanov qus tumaýyna qatysty jaǵdaidy baiandady, dep habarlaidy "Ult aqparat".
«Álemde qus tumaýy boiynsha epizotiialyq jaǵdai qaýyrt kúiinde qalyp otyr. 2020 jyldyń qyrkúieginde joǵary patogendi qus tumaýy álemniń 26 elinde 459 oshaq tirkeldi. Kórshiles Reseide da qus tumaýy tirkelip, 1,5 millionnan astam qus shyǵyny anyqtaldy. Osyǵan bailanysty biylǵy tamyzda Cheliabi, Omby óńirlerinde shenkteýler qoiyldy», - dedi T. Qabdoldanov Ortalyq kommýnikatsiialar qyzmetinde.
Osy oraida tiri qus pen qus sharýashylyǵy ónimderin atalǵan óńirlerden Qazaqstan Respýblikasynyń aýmaǵyna ákelýge jáne tranzitine ýaqytsha shekteýler engizildi.
«QR Aýyl sharýashylyǵy ministrliginiń janynan jedel shtab quryldy. Kún saiyn oblystyń aýmaqtyq inspektsiialarynyń, jergilikti atqarýshy organdardyń oblystyq veterinariia basqarmalarynyń qatysýymen onlain rejiminde jedel shtab otyrystary ótkiziledi. Elimizdiń 7 oblysynyń 78 eldi mekeninde karantin engizildi. Bul rette qus tumaýy rastalmaǵan óńirler bar», - dedi ol.
T. Qabdoldanovtyń aitýynsha, sońǵy táýlik ishinde Soltústik Qazaqstan oblysynda jeke aýlalarda 22 bas qustyń ólim tirkeldi, al respýblikanyń basqa aimaqtarynda shyǵyn tirkelmedi.
Budan bólek, qus ósiretin «Beskól» JShS, «Agrointerptitsa» JShS-da qus ólimi toqtatyldy. 2 qus fabrikasy boiynsha barlyǵy 361 647 bas qus óteýge jatady.
«Jeke aýlada 45 myń qustyń shyǵyny boldy. Jalpy, elimizde 46 millionnan astam qus basy bar. Onyń ishinde qus tumaýynan kelgen shyǵyn 0,9 paiyzdy qurady. Qazaqstan Respýblikasynda 64 qus fabrikasy jumys isteidi, onyń ishinde jumyrtqa baǵytyndaǵy 35 kásiporny bar», - dedi ol.
