QR Prezidenti Ákimshiligi basshysynyń orynbasary Máýlen Áshimbaev «Rýhani jańǵyrý» baǵdarlamasyn júzege asyrýda jastarǵa tárbie berýge basymdyq berilýi kerektigin aityp, pikir bildirdi, dep habarlaidy QazAqparat.
««Rýhani jańǵyrý» baǵdarlamasyn júzege asyrýda bizde naýqanshylyqtyń bolyp jatqanyn jasyryn emes. Ony aitýymyz kerek. Árine, rýhani salada óńirlerde kóp sharýa atqarylady. Biraq sonyń bárin baǵdarlama aiasynda jasai berý de shart emes shyǵar. Sondyqtan Dáýren Áskerbekuly (Abaev – avt.) aitqandai, bul turǵyda sannan sapaǵa kóshý kerek. Ministrdiń sharany qysqartaiyq, ár shara sapaly túrde júzege asyrylýy tiis degen bastamasyn tolyqtai qoldaimyz», - dedi ol Aqordada «Rýhani jańǵyrý» baǵdarlamasyn iske asyrý jónindegi ulttyq komissiia otyrysynda.
QR Prezidenti Ákimshiligi basshysynyń orynbasarynyń aitýynsha, «Rýhani jańǵyrý» baǵdarlamasyn júzege asyrýda jastar tárbiesine basymdyq berilýi tiis.
«Jastarǵa durys bolyńdar dei bergennen nátije shyǵa ma degen suraq bar. Tólen aǵamyz durys aitty: jastardy tárbieleý úshin durys qundylyqtardy qalyptastyrý kerek. Sol sebepti osy baǵdarlama aiasynda durys qundylyqtar máselesin jii kótersek, osyǵan basymdyq bersek – Elbasynyń strategiialyq baǵdarlamasynyń júzege asyrylýyna úlken bir úles bolady dep qabyldaimyn. Osy turǵydan kelgen kezde durys qundylyqtardy ne qalyptastyrady? Eń birinshiden, kórkem týyndylar, teleserialdar, filmder, kitaptar men jaqsy lektsiialar kerek. Sondyqtan, biyl da, keler jyldarda da kórkem týyndylardyń sapasyna kóbirek kóńil bólý kerek sekildi. Mysaly, alda ál-Farabi týraly da, Abai jaily da filmder túsiriledi. Osyndai týyndylardyń bárin pysyqtap, kerek bolsa komissiiada talqylap alýymyz kerek», - dedi ol.
Máýlen Áshimbaev Abai jaily film nemese teleserial túsirsek, «tolyq adam» kontseptsiiasyn túsindirerlik deńgeide eńbek jasalýy tiis.
«Osy máselege memlekettik komissiia kóbirek kóńil bóletin bolsa, Elbasynyń baǵdarlamasynyń júzege asyrylýyna kóp úlesin qosar degen úmittemiz», - dedi ol.
Eske sala ketsek, Memlekettik hatshy Qyrymbek Kósherbaevtyń tóraǵalyǵymen Aqordada búgin QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi Ulttyq komissiianyń otyrysy ótkizildi.
