قر پرەزيدەنتٸ ەكٸمشٸلٸگٸ باسشىسىنىڭ ورىنباسارى مەۋلەن ەشٸمباەۆ «رۋحاني جاڭعىرۋ» باعدارلاماسىن جٷزەگە اسىرۋدا جاستارعا تەربيە بەرۋگە باسىمدىق بەرٸلۋٸ كەرەكتٸگٸن ايتىپ, پٸكٸر بٸلدٸردٸ, دەپ حابارلايدى قازاقپارات.
««رۋحاني جاڭعىرۋ» باعدارلاماسىن جٷزەگە اسىرۋدا بٸزدە ناۋقانشىلىقتىڭ بولىپ جاتقانىن جاسىرىن ەمەس. ونى ايتۋىمىز كەرەك. ەرينە, رۋحاني سالادا ٶڭٸرلەردە كٶپ شارۋا اتقارىلادى. بٸراق سونىڭ بەرٸن باعدارلاما اياسىندا جاساي بەرۋ دە شارت ەمەس شىعار. سوندىقتان دەۋرەن ەسكەربەكۇلى (اباەۆ – اۆت.) ايتقانداي, بۇل تۇرعىدا ساننان ساپاعا كٶشۋ كەرەك. مينيستردٸڭ شارانى قىسقارتايىق, ەر شارا ساپالى تٷردە جٷزەگە اسىرىلۋى تيٸس دەگەن باستاماسىن تولىقتاي قولدايمىز», - دەدٸ ول اقوردادا «رۋحاني جاڭعىرۋ» باعدارلاماسىن ٸسكە اسىرۋ جٶنٸندەگٸ ۇلتتىق كوميسسييا وتىرىسىندا.
قر پرەزيدەنتٸ ەكٸمشٸلٸگٸ باسشىسىنىڭ ورىنباسارىنىڭ ايتۋىنشا, «رۋحاني جاڭعىرۋ» باعدارلاماسىن جٷزەگە اسىرۋدا جاستار تەربيەسٸنە باسىمدىق بەرٸلۋٸ تيٸس.
«جاستارعا دۇرىس بولىڭدار دەي بەرگەننەن نەتيجە شىعا ما دەگەن سۇراق بار. تٶلەن اعامىز دۇرىس ايتتى: جاستاردى تەربيەلەۋ ٷشٸن دۇرىس قۇندىلىقتاردى قالىپتاستىرۋ كەرەك. سول سەبەپتٸ وسى باعدارلاما اياسىندا دۇرىس قۇندىلىقتار مەسەلەسٸن جيٸ كٶتەرسەك, وسىعان باسىمدىق بەرسەك – ەلباسىنىڭ ستراتەگييالىق باعدارلاماسىنىڭ جٷزەگە اسىرىلۋىنا ٷلكەن بٸر ٷلەس بولادى دەپ قابىلدايمىن. وسى تۇرعىدان كەلگەن كەزدە دۇرىس قۇندىلىقتاردى نە قالىپتاستىرادى? ەڭ بٸرٸنشٸدەن, كٶركەم تۋىندىلار, تەلەسەريالدار, فيلمدەر, كٸتاپتار مەن جاقسى لەكتسييالار كەرەك. سوندىقتان, بيىل دا, كەلەر جىلداردا دا كٶركەم تۋىندىلاردىڭ ساپاسىنا كٶبٸرەك كٶڭٸل بٶلۋ كەرەك سەكٸلدٸ. مىسالى, الدا ەل-فارابي تۋرالى دا, اباي جايلى دا فيلمدەر تٷسٸرٸلەدٸ. وسىنداي تۋىندىلاردىڭ بەرٸن پىسىقتاپ, كەرەك بولسا كوميسسييادا تالقىلاپ الۋىمىز كەرەك», - دەدٸ ول.
مەۋلەن ەشٸمباەۆ اباي جايلى فيلم نەمەسە تەلەسەريال تٷسٸرسەك, «تولىق ادام» كونتسەپتسيياسىن تٷسٸندٸرەرلٸك دەڭگەيدە ەڭبەك جاسالۋى تيٸس.
«وسى مەسەلەگە مەملەكەتتٸك كوميسسييا كٶبٸرەك كٶڭٸل بٶلەتٸن بولسا, ەلباسىنىڭ باعدارلاماسىنىڭ جٷزەگە اسىرىلۋىنا كٶپ ٷلەسٸن قوسار دەگەن ٷمٸتتەمٸز», - دەدٸ ول.
ەسكە سالا كەتسەك, مەملەكەتتٸك حاتشى قىرىمبەك كٶشەرباەۆتىڭ تٶراعالىعىمەن اقوردادا بٷگٸن قر پرەزيدەنتٸ جانىنداعى قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ وتىرىسى ٶتكٸزٸلدٸ.
