Parlament Senatynyń Tóraǵasy Máýlen Áshimbaev Reseidiń Qazaqstandaǵy Tótenshe jáne Ókiletti Elshisi Aleksei Borodavkinmen eki el arasyndaǵy yntymaqtastyqty odan ári nyǵaitý máselesin talqylady, dep habarlaidy "Ult aqparat".
Senat Tóraǵasy parlamentaralyq dialog Qazaqstan-Resei yntymaqtastyǵynyń mańyzdy quramdas bóligi bolyp tabylatynyn atap ótti.
«Ekijaqty qarym-qatynastarda óńiraralyq jáne shekaramańy yntymaqtastyǵynyń mańyzy zor. Qazirgi tańda Qazaqstan men Resei arasyndaǵy taýar ainalymynyń shamamen 70 paiyzy óńiraralyq jáne shekaramańy saýdasyna tiesili. Bizdiń memleketterimizdiń basshylary shekara mańyndaǵy yntymaqtastyqqa erekshe nazar aýdaryp otyr. Qazaqstan men Reseidiń Óńiraralyq yntymaqtastyq forýmdary ótkizilip keledi. Senatorlarymyzdyń basym bóligi belgili bir aimaqtardan sailanǵan. Sondyqtan senatorlar bizdiń elderimiz Prezidentteriniń barlyq bastamalaryn qoldaidy ári júzege asyrýǵa belsene qatysyp keledi», – dedi Máýlen Áshimbaev.
Senat Tóraǵasynyń aitýynsha, qos el arasyndaǵy qarym-qatynas ǵylymi-bilim berý, mádeni-gýmanitarlyq jáne basqa da salalarda tabysty damyp keledi.
