«Nur Otan» partiiasy Tóraǵasynyń birinshi orynbasary Máýlen Áshimbaev elordamyzdyń Nur-Sultan dep atalýyna qatysty pikir bildirdi, dep habarlaidy "Ult aqparat".
«Búgin el Prezidenti Q.Toqaev «Qazaqstan Respýblikasynyń Konstitýtsiiasyna ózgertýler engizý týraly» Zańǵa jáne elorda ataýyn Nur-Sultan dep ózgertý týraly Jarlyqqa qol qoidy. Osynaý tarihi sheshim bizdiń jas elordamyzdyń damýynyń jańa kezeńin ashady. Elimizdiń bas qalasynda tabystar men odan ary gúldený tileimiz», - dep jazdy Máýlen Áshimbaev Feisbýktaǵy paraqshasynda.
Aita keteiik, búgin Memleket basshysy Qasym-Jomart Toqaev Qazaqstan Respýblikasynyń astanasy - Astana qalasyn Qazaqstan Respýblikasynyń astanasy - Nur-Sultan qalasy dep qaita ataý týraly Jarlyqqa qol qoidy.
