Ulttyq qoǵamdyq senim keńesiniń sońǵy otyrysynda kóterilgen usynystarǵa qatysty zań jobalaryn ázirleýde Azamattyq alianstyń belsendilik tanytqany mańyzdy. Azamattyq alians ókilderimen kezdesý kezinde Prezident Ákimshiligi basshysynyń birinshi orynbasary Máýlen Áshimbaev osylai dedi, dep habarlaidy QazAqparat.
«Ózara qarym-qatynasty bes baǵytta nyǵaitsaq dep otyrmyz. Bul jerde Azamattyq alians Prezident Ákimshiligimen, memlekettik organdarmen, Aqparat jáne qoǵamdyq damý ministrligimen, ekinshi jaǵynan úkimettik emes sektormen jumysty kúsheitse deimiz. Birinshiden, Memleket basshysynyń tapsyrmasy boiynsha qoǵam suranysyna berilgen jaýap retinde keibir qylmystarǵa qatysty jaza kúsheitilýde. Qoǵamdaǵy máselelerdi túzeýge baǵyttalǵan zańdar qabyldanýda. Alaida ary qarai jumysty jalǵastyrý kerek. Ulttyq qoǵamdyq senim keńesiniń sońǵy otyrysynda kóterilgen usynystarǵa qatysty zańdardy ázirleýde Azamattyq alians belsendilik tanytsa deimiz», - dedi ol.
Máýlen Áshimbaevtyń aitýyna qaraǵanda, memlekettik organdardyń aldynda turǵan mańyzdy mindetterdiń biri – zańǵa engiziletin ózgeristerdi halyqqa barynsha uǵynyqty túrde jetkizý.
«Qoǵamdyq dialog ornatyp, bilik pen qoǵamnyń arasynda júieli kommýnikatsiiany ornatqan abzal», - dedi ol.
Eske sala ketsek, elordada Qazaqstannyń Azamattyq aliansynyń konferentsiiasy ótip jatyr.
