Astanada ónerkásiptik óndiris kólemi 7,5%-ǵa artqan. Bul týraly Astana ákimi Áset Isekeshov Astana qalasynyń 2017 jyldyń 8 aiyna jasaǵan áleýmettik-ekonomikalyq damý qorytyndysy týraly baiandamasynda málimdedi, dep habarlaidy QazAqparat tilshisi.
«Onyń artýyna «EHRO - 2017» halyqaralyq mamandandyrylǵan kórmesi aitarlyqtai áser etti. Ónerkásiptik óndiris 7,5%-ǵa 336,6 mlrd teńgege deiin ósti. Negizinen mashina jasaý men metallýrgiia esebinen artty. Indýstriialandyrý kartasy jobasynyń arqasynda 24 kásiporyn ashyldy. Budan bólek, negizgi kapitalǵa salynǵan investitsiia kóleminiń artýy esebinen ósim 1,5% nemese 505,1 mlrd teńgeni qurady. Iskerlik belsendilikke, eń aldymen kásipkerliktiń órkendeýine «Biznestiń jol kartasy 2020» baǵdarlamasyn júzege asyrý ońdy yqpal etti. Osy jyldyń basynan beri 14,7 mlrd teńge somaǵa 110 joba maquldandy», - dedi Á.Isekeshov.
Onyń sózine qaraǵanda, qazirgi tańda elordada 8 myń jumys orny bar. Sondai-aq, 5,3 myń jańa jumys oryndary ashylǵan.
Kásipkerliktiń serpindi damýy biýdjetke orta jáne shaǵyn kásipkerlikten túsetin salyq kólemine oń áser etýde. Atalǵan kezeńdegi biýdjetke túsken salyq somasy men tólemder kólemi 209,6 mlrd teńgeni quraǵan.
