QR Memlekettik qyzmet isteri jáne sybailas jemqorlyqqa qarsy is-qimyl agenttigi Astana ákiminiń orynbasary Sergei Horoshýnǵa qatysty aryzdyń mán-jaiyn túsindirdi, dep xabarlaidy "Ult aqparat".
Agenttiktiń resmi ókili Nurlan Jaxinniń aitýynsha, Sergei Horoshýnǵa qatysty aryz túskennen keiin sotqa deiingi tergeý amaldary bastaldy. "Astana qalasynyń sybailas jemqorlyqqa qarsy qyzmetine Mashýrovtyń aryzy túskennen keiin Astana ákimi orynbasarynyń zańsyz áreketine qatysty sotqa deiingi tergeý bastaldy.
Aryzda Mashýrov "Tamyz Invest Grýpp" qurylys kompaniiasynyń basshysy bola otyryp, Horoshýnnyń qamqorlyǵy úshin óz múlkin berip otyrǵany jaiynda aitylady. Qazirgi kezde Mashýrovtyń dálelderi tekserilýde. Qylmystyq-protsesýaldy kodekstiń 201-babyna sáikes, ózge aqparat tergeýdiń múddesine sai jariia etilmeidi", - dedi N.Jaxin Astanada ótken baspasóz máslixatynda.
Aita keteiik, qala ákiminiń orynbasary S.Horoshýn turǵyn úi-qurylys máselelerine jaýap beredi. Al kásipker Valim Mashýrov 11 jylǵa sottalǵan bolatyn. Onyń uly - Farýx Mashýrov QR Memlekettik qyzmet isteri jáne sybailas jemqorlyqqa is-qimyl agenttiginiń tóraǵasy Alik Shpekbaevqa aryzdanyp, ákesiniń jazǵan ýájderin nazarǵa alýdy surady.
