Astana qalasynyń ákimi Áset Isekeshev elorda qonaqtaryna joldaǵan videoúndeýinde týrister úshin barlyq jaǵdaidy jasaýǵa ýáde berdi, - dep habarlaidy kaz.tengrinews.kz tilshisi.
"Qurmetti dostar, sizderdi Qazaqstan astanasynda kórýge qýanyshtymyz. Erteń halyqaralyq EXPO-2017 kórmesi ashylady. Álemniń 115 elinen kelgen 2 millionnan asa týristi kútip otyrmyz. Týristerimiz úshin barlyq qolaily jaǵdaidy jasap, osy kórmeniń olardyń esterinde máńgilik saqtalyp qalýy úshin barlyǵyn jasaimyn. Astanaǵa qosh keldińizder!", - dedi Áset Isekeshev.
Ákimniń aitýynsha, kórme kezinde 200-den asa meimanhana men meiramhanalar jumys isteidi.
"Tamasha mádeni jáne sporttyq baǵdarlama daiyndadyq. Túrli saladaǵy 600-den asa is shara ótedi - tsirk, opera, teatr, djaz, rok. Festivalder ótedi, teatrlar, saiabaqtar, sporttyq chempionattar ótkiziledi", - dedi Isekeshev.
Sondai-aq, ákimniń videoúndeýinde tanymal sportshy Sabina Altynbaeva, skripkashy Aiman Musahadjaeva, Nazarbaev ýniversitetiniń rektory Shigeo Kattsý men basqa da adamdar sóz sóileidi.
