Aǵymdaǵy jyly elordada 2 saiabaq pen 9 gúl baǵy ashylady. Bul týraly búgin meditsina salasyn jańǵyrtý máseleri jónindegi seminar-keńeste elorda ákimi Áset Isekeshev aitty, dep habarlaidy QazAqparat tilshisi.
«Densaýlyqty saqtaý - bul úlken aldyn alý sharasy. Biz munda buqaralyq sportty, onyń ishinde múmkindigi shekteýli adamdar úshin de damýdy qosamyz. Aǵymdaǵy jyly biz jalpy aýmaǵy 115 gektar bolatyn qosymsha 2 saiabaq pen 9 gúl baǵyn salamyz. Jumys istep turǵan jáne jańadan salynǵan saiabaqtar men gúlbaqtarynda mindetti túrde velosipiedke jáne júgirýge arnalǵan joldar jasaimyz, barlyq aýlalarda sporttyq qurylǵylar bolady. Biz buqaralyq sportpen ainalysý ómir sapasyn aitarlyqtai jaqsartatyndyǵyn jáne adamdardyń az aýrýyna sep bolatyndyǵyn kórip otyrmyz. Biz bul jumystardy odan ári de jalǵastyramyz», - dedi Áset Isekeshev.
Aita keteiik, 1 shildede Memleket basshysy qaladaǵy jańa nysandarmen tanysý barysynda elordanyń 20 jyldyǵyna orai Almaty oblysy qaita jóndeýden ótkizgen «Jetisý» saiabaǵyna bardy.
Sonymen qatar, Nursultan Nazarbaev qalanyń Almaty aýdanynda ornalasqan «Jeruiyq» saiabaǵyn aralap kórdi. Onda Elbasyna 19 jyl buryn ózi otyrǵyzǵan alǵashqy aǵash kórsetildi.
