Búginge deiin Astanada 7 kómir ónimin satýshy bar, al 22 tamyzdaǵy jaǵdai boiynsha halyqty qatty otynmen qamtýdyń qory 14 950 tonnany qurady. Kómir satatyn oryndar men baǵasy týraly barlyq aqparatty 109 nomeri arqyly bilýge bolady, dep habarlaidy Baq.kz aqparat agenttigi.
Jylý maýsymyna daiyndyq jospar boiynsha júrgizilýde. Bul týraly Astana ákimi Úkimet otyrysynda málimdedi.
Áset Isekeshevtiń aitýynsha qala úshin qajetti otyn daiyn, onyń ishinde kómir – 200 myń tonnadan astam, mazýt – 6 myń tonnadan astam. Janar-jaǵarmai qory kelesidegidei bólindi: qatty otyn – JEO-1-ge 42 007 tonna berildi, JEO-2 – 162 314 tonna. Mazýt boiynsha: JEO-1 – 3 203 tonna, JEO-2 – 3 036 tonna. Budan basqa, JEO-1 mazýttyń qosymsha 5382 tonna qory bar. Normativtik 20 táýlikke jetetin kómir qory JEO-1-de búginde bir kúnge shaqqanda 36 140 tonnany quraidy, al JEO-2 – bul kórsetkish 185 420 tonna.
«Turǵyn úilerdiń jylý maýsymyna daiyndyǵy 91%, áleýmettik nysandar - 97%, mádeni nysandar - 100%», - dedi Áset Isekeshev óziniń minbedegi sátinde.
Otyn-energetikalyq kesheni jáne kommýnaldyq sharýashylyq basqarmasynyń basshysy Erbol Tóleýovtiń málimetinshe Astanada negizgi 7 kómir satýshy bar, al halyqqa qajetti jalpy kómirdiń qory 22 tamyzdaǵy jaǵdai boiynsha 14 950 tonnany quraidy. Máselen ótken jyly mamyrdan 6 tamyzǵa deiin Astanada (energiia kózderin qospaǵanda) 28,8 myń tonna jetkizilse, osy 2018 jyly osy ýaqyt aralyǵynda 35,3 myń tonna jetkizildi, bul 22,6 % kóp.
Alaida Erbol Tóleýov kómirdiń qory kóp ekendigine qaramastan astana turǵyndarynyń qatty otyn satyp alýǵa asyqpai, bul isti keiinge qaldyryp otyrǵanyn aitty. «Astananyń» kómirin satyp alýshylar negizinen qalanyń shet mańynda turatyndar turǵyndar.
«Kúz-qys kezeńinde kómir satyp alýǵa bailanysty áleýmettik kikiljiń bolyp jatady. Bul qatty otyn paidalanatyn turǵyndardyń kún sýytqan kezde jappai kómir satyp alýymen bailanysty. Nátijesinde birkelki satylym bolmai shyǵyp, kezek pen baǵa ósip ketedi. Astanada 31 013 jeke úi bar, olar kómirge muqtaj. «Almaty» aýdanynda – 6380, «Baiqońyr» aýdanynda – 4398, «Esil» aýdanynda – 8530, «Saryarqa» aýdanynda – 11 705», - dedi E. Tóleýov.
Áset Isekeshev profildi basqarmanyń basshysyna osy máseleni baqylaýǵa alýyn, iri kómir satýshylarmen munyń aldyn baǵany ósirmeý týraly memorandýmǵa qol qoiylǵandyǵyn eske saldy.
«Biz kómir satatyn iri kompaniialarmen erterek jinalyp, osy máseleniń bárin talqyladyq. Qazir biz taǵy da jinalyp, baǵany ósirýge jol bermeýge jáne jetkizýdiń kestesin keshiktirmeý týraly kelisimge qol qoiamyz», - dedi ákim.
Sonymen birge Á. Isekeshev astana turǵyndaryn aiqai-shý men kezekke turyp qalmas úshin qatty otyndy keiinge qaldyrmai erterek satyp alýǵa shaqyrdy.
Esterińizge sala keteiik, i-Kómek qalalyq ortalyq bazasynda halyqty kómir satatyn oryndar men baǵasy týraly keńes beretin tikelei jeli (109 telefony) bar. Alaida, osy qyzmettiń mamandarynyń aitýynsha, qazirgi tańda bul qyzmet túri keńinen paidalanylmai otyr eken. Sońǵy aptada tikelei jelige kómir satyp alý týraly nebary 10 adam ǵana qońyraý shalypty.
