Úkimet úiinde ótken brifingide QR ulttyq ekonomika ministri Áset Erǵaliev infliatsiianyń ekonomkalyq ósimge qalai qysym jasaýy múmkin ekenin boljady, dep habarlaidy QazAqparat.
«Ózderińiz bliesizder, Respýblikalyq biýdjet Parlament qaraýynda jatyr. Respýblikalyq biýdjettiń boljamdary makroekonomikalyq boljamdarmen, stsenarilermen tikelei bailanysty. Ony da Parlamentke engizgenbiz. Biz kelesi jyly ekonomikanyń ósimi 3,9 paiyz bolady dep boljap otyrmyz. Al infltsiia deńgeii 4-6 paiyz dálizinde saqtalady delinip otyr», - dedi ministr.
Sharada Qarjy ministri depýtattardyń synyna jaýap berdi.
«Qarjy ministrligi kez kelgen konstrýktivti syndy qalypty qabyldaidy. Biz arqashan dialogqa daiynbyz. Biraq bul jerde moratoriidi alyp tastaý týraly sóz joq. Moratorii Prezident Jarlyǵy boiynsha 2023 jyldyń 1 qańtaryna deiin saqtalady. Qarjy ministrligi josyqsyz kásipkerlerdi jaýapqa tartý bóliginde ǵana máseles kótergen bolatyn. Birneshe mysal keltireiin: ótken jyly saýda operatsiialary kezinde túbirtek berilmegeni týraly 19 myńnan astam shaǵym tústi. Taǵy bir mysal: biz júiede onlain baqylaý-kassalyq mashinalaryn qoldanatyn kásipkerlerdiń 50 paiyzy udaiy túbirtek bermeitinin kórip otyrmyz», - dedi Qarjy ministri.
