QR Ulttyq ekonomika ministri Áset Erǵaliev el ekonomikasyn qoldaý úshin ortalyq jáne jergilikti atqarýshy organdarǵa birqatar usynym berdi, dep habarlaidy QazAqparat.
«Aýyl sharýashylyǵy kesheninde ónimniń josparlanǵan satý kólemderin jáne qurylys salasyndaǵy kezeńniń ýaqytynda bitirýin qamtamasyz etý kerek. Infliatsiiaǵa qarsy áreket etý jónindegi sharalar kesheniniń tiimdi júzege asyrylýyn qadaǵalaý qajet», - dedi Á. Erǵaliev Úkimettiń búgingi otyrysynda.
Ministrdiń aitýynsha, halyqty vaktsinalaý jáne revaktsinalaý, kásipkerlikti qoldaýdyń memlekettik sharalaryn ýaqytynda usyný da mańyzdy.
«Memlekettik qoldaý sharalary sheńberinde qurylyp jatqan jumys oryndaryn dinamikalyq monitoringtep, turaqty jumys oryndarynyń úlesin arttyrý kerek. Naqty sektordaǵy óndirýdiń joǵary kólemderin saqtaý jáne ónimniń eksportqa shyǵarylýyn belsendi túrde yntalandyrý qajet. Joǵaryda atalǵan sharalardy tiimdi iske asyrý elimizdiń ekonomikasynyń ósýin jedeldetýge múmkindik beredi», - dedi Á. Erǵaliev.
