Foto: Aqorda
Ásel Janasova Prezident ákimshiligi basshysynyń orynbasary bolyp taǵaiyndaldy, dep habarlaidy Ult.kz.
"Memleket basshysynyń jarlyǵymen Ásel Jubanyshqyzy Janasova Qazaqstan Respýblikasy Prezidentiniń ákimshiligi basshysynyń orynbasary bolyp taǵaiyndaldy, ol burynǵy atqarǵan laýazymynan bosatyldy", - dep jazylǵan habarlamada.
Ásel Janasova týraly ne belgili?
Ol 1987 jyly Almaty qalasynda dúniege kelgen. 2010 jyly "Bolashaq" halyqaralyq baǵdarlamasy boiynsha Kembridj ýniversitetinde (kompiýterlik ǵylymdar salasy) bilim alǵan. 2014 jyly Kembridj ýniversitetinde magistratýrany támamdaǵan. Máskeý memlekettik ýniversitetinde Executive Management baǵdarlamasy boiynsha oqyǵan.
Buǵan deiin mynadai qyzmetter atqarǵan:
2010-2014 jyldary - London qalasyndaǵy halyqaralyq kompaniianyń aqparattyq tehnologiialar jónindegi mamany, Aqparattyq tehnologiialar basqarmasynyń menedjeri, Kiberqaýipsizdik departamentiniń direktory;
2014-2016 jyldary - Qazaqstan Respýblikasy Ulttyq bankiniń Tsifrlyq tehnologiialar departamenti direktorynyń orynbasary;
2016-2017 jyldary - "Zerde ulttyq basqarýshy holdingi" aktsionerlik qoǵamynyń basqarma tóraǵasy;
2017-2018 jyldary - "Astana" halyqaralyq qarjy ortalyǵy basqarýshysynyń keńesshisi;
2018-2020 jyldary - "Astana" halyqaralyq qarjy ortalyǵynyń tsifrlyq tehnologiialar jónindegi basqarýshy direktory;
2020-2022 jyldary - Qazaqstan Respýblikasy caýda jáne integratsiia ministriniń orynbasary;
2022-2025 jyldary - "Qazposhta" aktsionerlik qoǵamynyń basqarma tóraǵasy;
2025 jylǵy 8 maýsymda Qazaqstan Respýblikasy Prezidentiniń keńesshisi bolyp taǵaiyndaldy.
