Grýziiada qaitys bolǵan qazaqstandyq Ásel Aitpaevanyń isi boiynsha saraptama nátijesi belgili boldy. Marqum boijetkenniń denesinen týysy Murat Meiirbekovtiń DNQ izi tabylǵan, dep habarlady "Habar 24".
Ásel sáýirde jumysqa ornalasý úshin gúrji elindegi Muratqa barǵan bolatyn. Oǵan "qyzdy zorlady" degen syrttai aiyp taǵylǵan. Al Qazaqstanda Meiirbekov "adam saýdasymen ainalysty" degen kúdikpen birneshe aidan beri túrmede otyr.
Aitpaevtar advokatynyń aitýynsha, endi saraptama nátijesi qolǵa tigen soń elimizdiń quqyq qorǵaý organy oǵan "qyz zorlady" degen jańa aiyp taǵýy múmkin.
Esterińizge sala keteiik, 26 jastaǵy Ásel Aitpaeva 5 mamyrda Grýziiada belgisiz jaǵdaida kóz jumdy. Osy eldiń quqyq qorǵaý organy 57 jastaǵy Beso Tordýany "qyz zorlady jáne ony ózine qol jumsaýǵa májbúrledi" degen aiyptarmen qamaýǵa alǵan edi. Birneshe kún buryn Tordýa aýrýhanada qaitys boldy.
