26 jastaǵy qazaqstandyq Ásel Aitbaevany zorlady dep aiyptalǵan Besik Tordýa klinikada qaitys boldy, - dep habarlaidy Tengrinews.kz tilshisi Mtavari Arkhi telearnasyna silteme jasap.
Onyń advokaty Lasha Shýkakidze bul aqparatty rastady jáne onyń klienti bir apta buryn penitentsiarlyq mekemeden aýrýhanaǵa jatqyzylǵanyn aitty.
Qorǵaýshysy aiyptalýshymen kezdeskisi kelgende, oǵan Tordýa es-tússiz kúide ekenin aitqan.
"Dárigerler Tordýanyń basynan qan aqqanyn aitty", - dedi aiyptalýshynyń advokaty.
Er adamnyń ólimniń naqty sebebi áli belgisiz.
26 jastaǵy qazaqstandyq Ásel Aitpaeva Grýziiadaǵy úiiniń terezesiniń astynan óli tabyldy. Boijetken ol jaqqa kólik satýmen ainalysatyn avtosalonǵa jumysqa ketken. Qaitys bolarynyń aldynda qyz ózin mazaq etip, qorqytqanyn aiǵaqtaityn aýdio jibergen.
Ásel Grýziiaǵa óziniń alys týysy – nemere ápkesiniń kúieýi Murat Meiirbekovtyń shaqyrýymen jumys isteýge barǵan. Ol qyzdyń ólimine qatysy boldy degen kúdikpen ustaldy. Sonymen qatar osy kúdikpen Grýziiada 57 jastaǵy Besik Tordýa da qamaýǵa alyndy. Boijetken týystarynyń úiinen ketip, er adamnyń úiine toqtaǵan. Oǵan qazir "ózin-ózi óltirýge deiin jetkizý" baby boiynsha da aiyp taǵyldy. Alaida marqumnyń otbasy isti "kisi óltirý" baby boiynsha qaraý kerek dep otyr.
Qazaqstan Grýziiaǵa tergeý tobyn jiberdi. Kei málimet boiynsha, Ásel adam saýdasynyń qurbany bolǵan.
Tergeý barysyn Qazaqstannyń adam quqyqtary jónindegi ýákili Elvira Ázimova óz baqylaýyna aldy.
