Prezidenttiń Qazaqstan halqyna Joldaýy astarly, maǵynaly boldy. QR Halyq ártisi, Eńbek eri, akter Asanáli Áshimov Almatyda ótken jiyn barysynda osylai dedi, dep habarlaidy "Ult aqparat".
«Prezident Joldaýyn qaisymyz kalai túsindik?! Biz akterler sózden góri sóz astaryn kóbirek baiqaimyz. Prezident Joldaýynda kúnde estip júrgen sózder bolǵanmen, túsingen adamǵa astarynda óte tereń máseleler aityldy. Eki saǵat telearna aldynda tapjylmai tyńdadyq. Ulylardan tsitata keltirgen ádemi baiandama boldy. Mysaly, Ahmet Baitursynulynyń «bilimdi bolý úshin oqý kerek, bai bolý úshin kásipkerlik kerek» degeni. Kásip pen eńbekpen, mańdai termen tapqan bailyq – elge tietin bailyq. Korrýptsiiamen kelgen bailyq – boiǵa sińbeitin, halyqqa esh paida bermeitin dúnie. Kúshti bolý úshin – birlik kerek. Munda da úlken astar jatyr», - dedi Asanáli Áshimov.
Belgili akter tárbie jáne mádenietsiz ǵylym men bilimniń qaýipti ekendigin aitty.
«Osynyń barlyǵy mádenietke kep toqtaidy. Kósheden durys ótý úshin de mádeniet kerek. Joldaýda kereń estitin, mylqaý túsinetin sóz aityldy. Osy otyrǵan azamattar ǵalymdar, úkimetimizge qoldan kelgenshe járdem bereiik. Osy jerde qalyp qalmasyn», - dedi A.Áshimov.
