Keshe Aqtóbedegi «Jubanovtar álemi» mýzei-úiinde Qazaqstannyń belgili óner jáne mádeniet qairatkerlerimen kezdesý ótti. Akter Asanáli Áshimov, kompozitor Altynbek Qorazbaev pen halyq ánshisi Tatiana Býrmistrova turǵyndarmen áńgimelesip, olardyń saýaldaryna jaýap berdi, - dep jazady Diapazon.
Keshte alǵashqylardyń biri bop sóz alǵan Asanáli Áshimov Aqtóbe jaily aita kele, osynda týǵan Dimash Qudaibergenniń ónerdegi deńgeiine toqtaldy.
«Dimash - álem ánshisi. Qazaqstan ol úshin óte tar. 2 milliard halqy bar Qytaidy baǵyndyrdy. Men onyń álemdik deńgeidegi ánshi bolǵanyn quptaimyn. Bizge arada bir kelip, kontsert ótkizip tursa da jetedi. Qazaqstannyń atyn shyǵaryp júrgenine óte qýanyshtymyz. Amerikaǵa barǵan kezde Dimashpen Los-Andjeleste jolyqtyq. Óte qarapaiym jigit eken», – dep ánshini maqtai jónelgen akterdiń sózine kópshilik qol soǵyp, erekshe qoshemet kórsetti.
