Ortalyq sailaý komissiiasy Quryltai depýtattaryn sailaýdyń aldyn ala qorytyndysyn jariialady, dep habarlaidy ult.kz.
Nátijege sáikes, Qazaqstan Halyq partiiasy qajetti 5 paiyzdyq mejeni eńsere almai, 3,11 paiyz daýys jinaǵan.
Sailaýshylar tizimine 12,6 millionnan astam azamat engizilse, onyń 9,3 milliony daýys bergen. Osylaisha sailaýshylardyń qatysý kórsetkishi 74,08 paiyzdy qurady.
Aldyn ala esep boiynsha, «Ádilet» partiiasy 71,17 paiyz daýyspen kósh bastady. Odan keiin «Aýyl» – 6,26 paiyz, Respublica – 5,56 paiyz, «Aq jol» – 5,21 paiyz jáne Jalpyulttyq sotsial-demokratiialyq partiia – 5,11 paiyz kórsetkishpen ornalasty.
Qazaqstan Halyq partiiasyn 285 395 sailaýshy qoldaǵan. Bul jalpy daýystyń 3,11 paiyzy. Al «Baitaq» partiiasy 1,07 paiyz, «Bárine qarsy» nusqasy 2,51 paiyz daýys jinady.
Aita keteiik, sailaý aldynda Qazaqstan Halyq partiiasynyń tizimine telejúrgizýshi Asha Matai men ánshi Tamara Asar da engen bolatyn. Alaida Quryltaidaǵy mandattardy bólýge keminde 5 paiyz daýys jinaǵan partiialar ǵana qatysatyndyqtan, partiianyń tizimindegi kandidattar, sonyń ishinde Asha Matai men Tamara Asar da depýtattyq mandatqa ie bola almaidy.
