Ánshi ári telejúrgizýshi Asha Matai Quryltai sailaýynan keiin jańadan sailanǵan depýtattarǵa úndeý jasap, jumystaryna sáttilik tiledi. Óner iesi halyq qalaýlylaryna úlken jaýapkershilik júktelgenin atap ótti, dep habarlaidy ult.kz.
Asha Matai áleýmettik jelidegi jazbasynda Quryltai sailaýynyń aiaqtalyp, halyq tańdaǵan depýtattardyń tiisti ant qabyldaǵanyn aitty. Ol jańadan sailanǵan halyq qalaýlylaryn quttyqtap, aldaǵy qyzmetterine sáttilik tiledi.
Sonymen qatar ánshi jańa quramdaǵy depýtattardan memleket pen halyqtyń igiligi úshin adal qyzmet etedi dep úmit kútetinin jetkizdi. Ol depýtattardy bergen anttaryna berik bolýǵa shaqyryp, jumystaryna aq jol tiledi.
