Oralda arzan páter alyp berýge ýáde etken áiel turǵyndardyń 54 mln teńgesin iemdengen, dep habarlaidy QazAqparat.
BQO Politsiia departamentiniń baspasóz qyzmetinen túsken málimetke qaraǵanda, 36 jastaǵy áielge qatysty QR QK 190-baby 3-bóligine qatysty tergeý amaldary júrgizilýde.
Ol turǵyndardy kepildikte turǵan arzan páterlerdi alyp beremin dep aldaǵan. Bir-eki bólmeli páterdi 2-5 mln teńgege baǵalasa, eki-úsh bólmeli páterler úshin 5-7 mln teńge suraǵan. Bul – naryqtaǵydan eki-úsh esege arzan.
Turǵyn úidiń kiltin almastan, aqshany qolyna ustatyp, áieldiń arbaýyna túsken adamdardyń biri týysqanyna aityp, ekinshisi dos-jarandaryna jetkizip, «arzan» páter alýǵa shaqyrǵan.
Osylaisha, baspanaly bolýdy armandap, san soǵyp qalǵandardyń sany jiyrmaǵa jetip jyǵylady. Aryzdar áli de túsip jatyr. Aldanǵandardyń qatarynda zeinetkerler, kásipkerler, muǵalimder, memlekettik qyzmetshiler bar. Olar eń azy 500 myń teńgesinen, eń kóp bergeni 7,2 mln teńgesinen aiyrylyp qalǵan. Alaiaq áiel olarmen bailanysqa shyǵyp, páterlerdiń kepildikte turǵanyn, qujat toltyrýda qiyndyqtar týyndap otyrǵanyn aityp, túbi úili bolatyndaryna sendirip kelgen. Tipti keibiri páterdi jyldap kútken.
Qazirgi kezde tergeý izoliatorynda otyrǵan áiel budan buryn da alaiaqtyǵy úshin 3 jylǵa bas bostandyǵynan aiyrylǵan. Ol jábirlenýshilerdiń 54 mln 450 myń teńgege jýyq aqshasyn qoldy etken.
