Arystan kelgen 75 bala Almatydaǵy «Órnek» jazǵy saýyqtyrý lagerinde demalady, dep habarlaidy "Ult aqparat".
Almatylyqtar Arystyq oqýshylardy «Vokzal-2» beketinde sán-saltanatpen qarsy aldy. Ár oqýshyǵa estelik syilyqtar taratyldy. Tsirk ártisi Murat Muturǵanov otbasymen óner kórsetti. Animatorlyq kórinis pen kolledj stýdentteri ázirlegen «Arys, Biz birgemiz!» atty fleshmoby balalardyń kóńilin kóterdi.
«Almaty qalasy ákimdiginiń qoldaýymen shildeniń 12-nen tamyzdyń 3-ne deiin arystyq balalar qala syrtyndaǵy «Órnek» jazǵy saýyqtyrý lagerinde tynyǵady. Arnaiy baǵdarlamaǵa sáikes oqýshylar qalanyń kórikti jerlerin aralaidy. Sondai-aq, psihologtar ár balamen jeke-jeke jumys isteidi. Qajet bolsa kiimmen de qamtamasyz etemiz. Búgin oqýshylardyń alǵashqy legi keldi. Jalpy, 150 bala demalady. Qalǵan 75 oqýshy tamyzda keledi. Bul sharany uiymdastyrýǵa qalalyq ákimdik 10 mln. teńge bóldi», - dedi Almaty qalalyq bilim basqarmasynyń basshysy Gúlnár Hodjabergenova.
