Memleket basshysynyń Ókimimen Ishki ister ministriniń orynbasary qyzmetine Arystanǵani Rasylhanuly Zapparov taǵaiyndaldy, dep habarlaidy Aqorda.
Sondai-aq, Memleket basshysynyń taǵy bir Ókimimen Mahambet Haiyrjanuly Abisatov Qazaqstan Respýblikasynyń Ishki ister ministriniń orynbasary qyzmetinen bosatyldy.
Arystanǵani Rasylhanuly ál-Farabi atyndaǵy Qazaq ulttyq ýniversitetin, Qazaqstan Respýblikasy Ishki ister ministrligi akademiiasynyń Zań institýtyn bitirgen.
Ishki ister organdarynda 1993 jyldyń qarasha aiynan beri qyzmet atqarady. Orta jáne joǵarǵy basshylyq quramdaǵy qyzmetterdi atqardy. Jergilikti bólinisterdegi basshylyq qyzmette mol tájiribesi bar.
Ár jyldary Almaty oblysy Politsiia departamenti Eńbekshi qazaq aýdanynyń Politsiia basqarmasyn, Almaty qalasy Alataý aýdany Politsiia basqarmasyn, Aqmola oblysy Politsiia departamenti Stepnagorsk qalasy Politsiia basqarmasyn basqardy, Aqtóbe oblysy Politsiia departamenti bastyǵynyń birinshi orynbasary boldy. 2018 jyldyń qańtar aiynan Qazaqstan Respýblikasy Ishki ister ministrligi Esirtki qylmysyna qarsy is-qimyl departamentiniń bastyǵy qyzmetin atqarady. 2019 jyly sáýir aiynda Qyzylorda oblysy politsiia departamentine basshy bolyp taǵaiyndaldy.
