- Búgin Úkimet otyrysynan keiin QR Mádeniet jáne sport ministri Arystanbek Muxamediuly jaqynda ǵana ashqan Facebook paraqshasyn jabýdyń sebebin aitty, dep xabarlaidy QazAqparat tilshisi Úkimet úiinen.
«Men ol paraqshany ashqanyma esh ókinbeimin. Eki kúnnen keiin ony qaitadan ashamyz. Bálkim, barlyǵy meni kóp shyndyqty aityp qoia ma dep qoryqqan shyǵar. Negizgi sebep sol dep oilaimyn. Men ol paraqshany ózim júrgizemin. Keshki ýaqytta», - dedi A.Muxamediuly.
Alaida ministr «shyndyqtan qorqatyndar» kim ekenin aitqan joq.
Aita keteiik, 26 qarasha kúni QR Mádeniet jáne sport ministri Arystanbek Muhamediuly Feisbýk áleýmettik jelisinde jeke paraqshasyn ashqan bolatyn.
«Qadirli dostar! Men mádeniet pen sportqa qatysty naqty aqparattardy bólisýge, sondai-aq osy saladaǵy barlyq mańyzdy máselelerdi talqylaý úshin Facebook áleýmettik jelisinde paraqsha ashýdy jón kórdim. Sonymen qatar, osy paraqsha arqyly jas rejisserlermen, sýretshilermen, ártistermen, ánshilermen jáne de kóptegen daryndy tulǵalarmen tildesýge ári bailanys ornatýǵa daiynmyn. Sebebi bizdiń qasietti jerimiz talantty jandarǵa kende emes. Ózimniń dostaryma sapaly «keri bailanys» pen qoldaý bildirgenderi úshin zor alǵysymdy bildiremin. Barlyq oi-pikirlerdi jeke ózim oqýǵa jáne múmkindiginshe jaýap berýge tyrysamyn», - dep jazǵan bolatyn ministr.
Alaida keshe, qarashanyń 28-i kúni A.Muxamediulynyń paraqshasy jabylyp qaldy.
