Ulttyq mýzeidiń burynǵy basshysy Arystanbek Muhamediulyn qamaýda ustaý merzimi uzartyldy. Bul aqparatty Astananyń mamandandyrylǵan aýdanaralyq tergeý sotynyń baspasóz qyzmeti rastady, - dep habarlaidy "Ult aqparat".
"2022 jylǵy 18 qarashada Astana qalasynyń mamandandyrylǵan aýdanaralyq tergeý soty kúdikti Arystanbek Muhamediulyna qatysty qamaýda ustaý túrindegi sanktsiialanǵan bultartpaý sharasynyń merzimin bir aiǵa uzartty", - dedi baspasóz qyzmeti.
Aita keteiik, 28 mamyrda sot sanktsiiasymen burynǵy Mádeniet jáne sport ministrine qatysty "kúzetpen ustaý" túrindegi bultartpaý sharasy taǵaiyndalǵan edi.
Antikor málimetinshe, tergeý «Altyn adamnyń álem murajailary boiynsha sherýi» halyqaralyq kórmesin ótkizýge, sondai-aq «Qazaqstannyń ulttyq kieli nysandary men mýzei qorlaryn jalpymemlekettik fotogrammetriialyq 3D-skanerleý» jáne «Qazaqstan Respýblikasynyń Ulttyq tsifrlyq kinokollektsiiasyn tsifrlandyrý» jobalaryna bólingen biýdjet qarajatyn urlaý faktileri boiynsha júrgizilip jatyr.
Budan basqa Arystabek Muhamediulynyń Mádeniet jáne sport ministri laýazymynda bolǵan kezinde týystarynyń jáne úlestes tulǵalarynyń menshigine «Sý jáne qoldanbaly sport túrleri boiynsha Respýblikalyq joǵary sport sheberligi mektebi» RMQK, «Qazaq entsiklopediiasy» AQ jáne «Qazaq ǵylymi-zertteý mádeniet institýty» JShS zańsyz berýge qatystylyǵy tekserilip jatqany habarlanǵan.
Tergelip jatqan qylmystyq ister boiynsha memleketke keltirilgen zalaldyń aldyn ala somasy shamamen 7 mlrd teńgeni quraidy.
