19 jeltoqsanda Máskeýde QR mádeniet jáne sport ministri Arystanbek Muhamediuly men "Birinshi arna" AQ bas direktory Konstantin Ernst arasynda ótken kelissózder aiasynda teledidar jəne kino indýstriiasyn damytý jolynda yntymaqtastyq týraly kelisimshartqa qol qoiyldy, - dep habarlaidy "Ult aqparat" QR Mádeniet jáne sport ministrliginiń baspasóz qyzmetine silteme jasap.
"Dostar, Məskeýde "Birinshi kanalmen" teledidar jəne kino indýstriiasyn damytý jolynda yntymaqtastyq týraly kelisimshartqa qol qoidyq. Kelissózder barysynda qol jetkizgen yntymaqtastyqtyń keleshegi zor. Baǵamdap kórińizder. Biz birlesip eki teleserial túsiretin boldyq: biri - Uly Otan soǵysy kezinde Almatyda jumys istegen Ortalyq birlesken kinostýdiia týraly bolsa, ekinshisi - Astanaǵa ainalǵan Tselinograd tarihy jaiynda. Eki jobany da qarjylandyrý 50/50 bolady, serialdardy "Birinshi kanal" efirinde kórsetemiz (bul - 190 eldegi 250 million kórermen), al eń bastysy - teń quqyqty jaǵdaida halyqaralyq prokatqa shyǵýymyz", - dep jazdy ministr feisbýktaǵy paraqshasynda.
Sondai-aq, Arystanbek Muhamediuly osydan buryn da Qazaqstan men Resei yntymaqtastyǵy arqasynda dúniege kelgen joba - "28 panfilovshylar" kórermen yqylasyna bólenip, Resei Federatsiiasynyń úzdik filmi bolǵanyn atap ótti.
Óz kezeginde, "Birinshi arna" AQ bas direktory Konstantin Ernst qazaqstandyq jýrnalisterge bergen suhbatynda, qol jetken yntymaqtastyq kelisim aiasyndaǵy alǵashqy joba - eki serial ekendigin aitqan.
"Resei men Qazaqstan arasyndaǵy tereń dostyq qarym-qatynasty jalǵastyra otyryp, biz eki joba óndirisi boiynsha shart jasastyq. Birinshi serial keńestik kinematografiianyń Almatyǵa evakýatsiiasyna arnalǵan. Onda basty keiipkerler Sergei Eizenshtein men ózge de asa kórnekti kinematografister bolady. Al ekinshi joba - Astana mereitoiy jónindegi óndiristik serial", - dedi Ernst.
