19 جەلتوقساندا مەسكەۋدە قر مەدەنيەت جەنە سپورت مينيسترٸ ارىستانبەك مۇحامەديۇلى مەن "بٸرٸنشٸ ارنا" اق باس ديرەكتورى كونستانتين ەرنست اراسىندا ٶتكەن كەلٸسسٶزدەر اياسىندا تەلەديدار جəنە كينو يندۋستريياسىن دامىتۋ جولىندا ىنتىماقتاستىق تۋرالى كەلٸسٸمشارتقا قول قويىلدى, - دەپ حابارلايدى "ۇلت اقپارات" قر مەدەنيەت جەنە سپورت مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"دوستار, مəسكەۋدە "بٸرٸنشٸ كانالمەن" تەلەديدار جəنە كينو يندۋستريياسىن دامىتۋ جولىندا ىنتىماقتاستىق تۋرالى كەلٸسٸمشارتقا قول قويدىق. كەلٸسسٶزدەر بارىسىندا قول جەتكٸزگەن ىنتىماقتاستىقتىڭ كەلەشەگٸ زور. باعامداپ كٶرٸڭٸزدەر. بٸز بٸرلەسٸپ ەكٸ تەلەسەريال تٷسٸرەتٸن بولدىق: بٸرٸ - ۇلى وتان سوعىسى كەزٸندە الماتىدا جۇمىس ٸستەگەن ورتالىق بٸرلەسكەن كينوستۋدييا تۋرالى بولسا, ەكٸنشٸسٸ - استاناعا اينالعان تسەلينوگراد تاريحى جايىندا. ەكٸ جوبانى دا قارجىلاندىرۋ 50/50 بولادى, سەريالداردى "بٸرٸنشٸ كانال" ەفيرٸندە كٶرسەتەمٸز (بۇل - 190 ەلدەگٸ 250 ميلليون كٶرەرمەن), ال ەڭ باستىسى - تەڭ قۇقىقتى جاعدايدا حالىقارالىق پروكاتقا شىعۋىمىز", - دەپ جازدى مينيستر فەيسبۋكتاعى پاراقشاسىندا.
سونداي-اق, ارىستانبەك مۇحامەديۇلى وسىدان بۇرىن دا قازاقستان مەن رەسەي ىنتىماقتاستىعى ارقاسىندا دٷنيەگە كەلگەن جوبا - "28 پانفيلوۆشىلار" كٶرەرمەن ىقىلاسىنا بٶلەنٸپ, رەسەي فەدەراتسيياسىنىڭ ٷزدٸك فيلمٸ بولعانىن اتاپ ٶتتٸ.
ٶز كەزەگٸندە, "بٸرٸنشٸ ارنا" اق باس ديرەكتورى كونستانتين ەرنست قازاقستاندىق جۋرناليستەرگە بەرگەن سۇحباتىندا, قول جەتكەن ىنتىماقتاستىق كەلٸسٸم اياسىنداعى العاشقى جوبا - ەكٸ سەريال ەكەندٸگٸن ايتقان.
"رەسەي مەن قازاقستان اراسىنداعى تەرەڭ دوستىق قارىم-قاتىناستى جالعاستىرا وتىرىپ, بٸز ەكٸ جوبا ٶندٸرٸسٸ بويىنشا شارت جاساستىق. بٸرٸنشٸ سەريال كەڭەستٸك كينەماتوگرافييانىڭ الماتىعا ەۆاكۋاتسيياسىنا ارنالعان. وندا باستى كەيٸپكەرلەر سەرگەي ەيزەنشتەين مەن ٶزگە دە اسا كٶرنەكتٸ كينەماتوگرافيستەر بولادى. ال ەكٸنشٸ جوبا - استانا مەرەيتويى جٶنٸندەگٸ ٶندٸرٸستٸك سەريال", - دەدٸ ەرنست.
