QR Mádeniet jəne sport ministri Arystanbek Muhamediuly Qazaqstanǵa álemdik iri kinoóndirýshilerdi tartý múmkindigi týraly aitty, dep habarlaidy QazAqparat.
Onyń sózine qaraǵanda, bul qadam týrizm men ekonomikanyń basqa da salalaryn damytýǵa, sondai-aq investitsiialar tartýǵa oń yqpal etedi.
«Gollivýdte Universal Studio amerikalyq kinokompaniianyń jaqsy tájiribesi bar. Iaǵni qosymsha oiyn-saýyq qyzmeti esebinen jyl saiyn 1 milliard týristi jáne júzdegen milliard dollar investitsiiany tartady», - dedi ministr Parlament Májilisiniń jalpy otyrysynda «Kinematografiia týraly» zań jobasyn tanystyrý kezinde.
A. Muhamediulynyń atap ótýinshe, Qazaqstanda aldyńǵy qatarly kinoóndirýshilermen aýqymdy týyndylardy túsirý úshin barlyq jaǵdailar bar.
«Bizdiń basymdyǵymyz - ol birinshi kezekte saiasi turaqtylyq, ultaralyq kelisim, biregei landshaft», - dedi ministr.
Vedomstvo basshysynyń aitýynsha, búginde ministrlik «Warner Bros. Entertainment», «Motion picture», «20th Century Fox», «NBC Universal», «The Walt Disney Company», «Paramount Pictures Corporation» jáne basqa da kompaniialardyń basshylyǵymen kelissózder júrgizip jatyr.
«Atap aitqanda, «Kinematografiia týraly» zań jobasy tiisti qolaily jaǵdailarmen qabyldanǵannan keiin, AQSh-taǵy, Úndistandaǵy, Túrkiiadaǵy jáne basqa da elderdegi seriktesterimiz Qazaqstan aýmaǵynda kino túsirilimderine kirisýge daiyn tur», - dedi Arystanbek Muhamediuly.
